«Киелі мекен» апталығы аясында Мақтааралда Ұлы Отан соғысы ардагерлеріне арналған мемориалдық кешен аумағына тазалық жұмыстары жүргізілді. Шараға аудан әкімі Б.Асанов, облыстық мәслихат депутаты Ж.Қанаев және ауданның белсенді жастары қатысты. Іс-шара барысында мемориалдық кешен аумағы шөптер мен күл-қоқыстан тазарып, әктеу-сырлау жұмыстары атқарылды. Жалпы сенбілікке 200-ден астам адам қатысты.
«Республикалық экологиялық акцияның екінші апталығында біз құнды жәдігерлерімізді күтіп ұстап, оны өскелең ұрпаққа қадірлеп-қастерлеуді үйретудеміз. Әрбір ескерткіште үлкен тарих жатыр. Біз оның айналасын тазалау, абаттандыру арқылы ата-бабаларымызға, тарихымызға және тарихи тұлғаларымызға құрметпен қарайтынымызды көрсетеміз» — дейді, аудан әкімі Бақыт Насырханұлы.
Түркістан облысының Өңірлік коммуникациялар қызметі
Comments