АймақЖаңалықтарҚоғамМәдениет

ШЫМКЕНТТЕ БИЫЛ 7 ГҮЛЗАР САЛЫНАДЫ  

Бүгін Шымкент қаласының әкімі М.Әйтенов қалалық жайлы ортаны дамыту басқармасының осы жылы атқарылар жобаларымен танысты. Өткен жылдың есебін алып, кемшіліктер бойынша бірқатар тапсырмалар берді.

Басқарма басшысының мәліметінше, жасыл белдеуге — 1 267 500 дана, көше бойына – 50 дана, саябақтар мен гүлзарларға – 4 мың дана, А.Асқаров атындағы дендросаябаққа – 15 мың дана ағаш отырғызу жоспарлануда. ерекше қорғаудағы Қошқар ата аумағын қайта қалыпқа келтіруге және денросаябақ аумағын авто суару жүйесін орнатуға жобалық-сметалық құжаттар әзірленетін болады. Одан бөлек, дендрологиялық саябақ аумағын қоршап, макет пен төлқұжат жаңартылады. Тұрғындардың жайлылығы, қала көркі үшін 7 гүлзар салу жоспарланды: Төменгі Отырар ш/а, Сыра зауытының алды, Нұрсат ш/а №205 және 217-218 көп қабатты тұрғын үй маңында, МЖК Есіл мен Камал көшелерінің аралығы, қала кіреберісіндегі «Кілт» аумағы, Теріскей ш/а арбат салу.

М.Әйтенов қаланың экологиялық мәселелерін кешенді шешу бойынша жоспарлы түрде жұмыстар атқаруды, рұқсат етілмеген қоқыс тастайтын орындарды жоюды тапсырды. Қалдықтарды кәдеге жарату үшін, бөлек жинау тәртібін енгізу қажеттігін, егілген ағаштарға күтім мен қорғау шараларын жүргізуді жүктеді.

Шымкент қаласы әкімдігінің баспасөз қызметі

ТОЗЫҒЫ ЖЕТКЕН ЖЫЛУ ҚҰБЫРЛАРЫ ЖӨНДЕЛУДЕ

Алдыңғы

ҚЫЗЫЛЖАРДА ЖАҢА ЕМХАНАНЫҢ ҚҰРЫЛЫСЫ ҚЫЗУ ЖҮРІП ЖАТЫР 

Келесі

Оқи отырыңыз

Comments

Leave a reply

Ваш адрес email не будет опубликован. Обязательные поля помечены *