Шымкент қаласы білім басқармасына қарасты №55 жалпы орта білім беретін мектебінде «Тіл – достықтың көпірі» пәндік онкүндігі аясында 2-сынып оқушылары арасында көркем жазу байқауы өтті. Бастауыш буын оқушыларының сауатты әрі таза жазу дағдысын қалыптастырған бұл мазмұнды шараның басты тірегі – орыс тілі пәнінің мұғалімдері А.Ә. Әбдіразақ пен М.А. Сарыбаеваның күнделікті тынымсыз әрі жауапты еңбегі. Мемлекеттік деңгейдегі сапалы білім беру мен тәрбиені ұштастыруда мұғалімнің әрбір сабағы, әрбір кеңесі мен бағыт-бағдары жас буынның болашақ болмысына тікелей әсер ететін маңызды фактор болып табылады. Байқаудың басты мақсаты балалардың жазу мәдениетін дамытумен қатар, олардың бойында зейін қою, табандылық, өз ісіне мұқият әрі ұқыпты қарау, сондай-ақ жеке жауапкершілік қасиеттерін қалыптастыру болды. Кішкентай оқушыға әрбір әріптің пішінін сақтап, жолдан шықпай, таза жазуды үйрету – үлкен төзімділік пен терең әдістемелік шеберлікті қажет ететін күрделі әрі қадірлі еңбек. Ұстаздар Әбдіразақ А.Ә. мен Сарыбаева М.А. әр баланың жеке мүмкіндігін ескере отырып, олардың асығыстыққа бой алдырмай, өз еңбегінің нақты нәтижесін көруіне кәсіби тұрғыда жетекшілік етті. Бұл бастама оқушыларды кішкентай кезінен бастап ішкі тәртіпке және ұқыптылыққа баулудың тамаша үлгісіне айналды.
Педагогтердің күнделікті қызметі көбіне сырт көзге байқалмайтын, бірақ нәтижесі ұзақ жылдарға созылатын қасиетті де жауапты міндет. Ұстаздар оқушыларды дайын нәтижеге сүйенуге немесе патерналистік, масылдық көңіл-күйге бой алдыруға емес, күнделікті ізденіске, сауаттылыққа, ішкі тәртіпке және өз маңдай теріне сүйеніп табысқа жетуге тәрбиелейді. Әрбір дәптердегі таза, көркем түскен жолдар – ұстаздың сабыры мен оқушының адал талпынысының ортақ жемісі. Бұл үдеріс Мемлекет басшысы дәріптеп отырған «Еңбек адамы» идеологиясы мен «Адал азамат» тұжырымдамасының негізгі қағидаттарын бала санасына ерте жастан сіңіруге берік жол ашады. Байқау соңында үздік нәтиже көрсеткен жеңімпаздар мен жүлдегерлерді мектеп директоры Каппарова Айгүл Серғалиқызы салтанатты түрде марапаттады. Мектеп басшысы оқушылардың білімге деген ынтасы мен ұқыптылығын атап өтіп, тәрбие мен білімді қатар алып жүрген ұйымдастырушы педагогтердің кәсіби шеберлігі мен адал еңбегіне арнайы ризашылығын білдірді. Мектептегі мұндай мазмұнды іс-шаралар ұстаз мәртебесін айқындап, адал еңбек пен жауапкершілікті қадірлейтін, өз біліміне сенетін саналы да еңбекқор ұрпақ тәрбиелеуге зор үлес қосады. Мұндай жүйелі жұмыстар алдағы уақытта да өз жалғасын тауып, білім беру ұйымының дамуына өзіндік серпін береді.












Comments