БЕЙ-БЕРЕКЕТ ТАСТАЛҒАН ҚОҚЫС ТАЗАРТЫЛДЫ

Қала аумағында белгіленбеген жерге төгілген қоқыс арнайы техникалардың көмегімен тазартылып алынды.
Қаламызда тұрақты түрде сенбіліктер ұйымдастырылып, тазалық жұмыстары жүргізілгеніне қарамастан, кейбір тұрғындардың қоқысты рұқсат етілмеген орындарға тастау деректері әлі де кездесуде.
Құрметті тұрғындар! Қоқыс шығару қызметін көрсететін мекемелермен келісімшарт жасап, тұрмыстық қалдықтарды заң талаптарына сәйкес шығаруға шақырамыз. Қаламыздың тазалығы – баршамызға ортақ жауапкершілік.
Естеріңізге сала кетейік, алдағы уақытта рейдтік іс-шаралар күшейтіліп, белгіленбеген орындарға қоқыс тастаған азаматтарға заң аясында тиісті шаралар қолданылатын болады. Туған қаламыздың тазалығын бірге сақтайық!