Мемлекет басшысы Қасым-Жомарт Тоқаевтың Қазақстан халқына арнаған жолдауында бұқаралық спортты дамытуға басымдық берген. Шырайлы қаламызда бұл бағытта тың бастамалар жүзеге асып, орындалып келеді. Қаламызда көптеген спорт кешендері ел игілігіне беріліп, жастардың бос уақытын тиімді пайдалынып, олардың спортпен шұғылдануына толық жағдайлар жасалған. Осындай спорттық кешеннің бірі — «Шымкент» Орталық су-спорт кешені. Әл-Фараби ауданы, Қазиев көшесі 2в мекенжайында орналасқан. Мұнда жүзуден оқу-жаттығу жиындары мен спорттық жарыстар өтеді. Шымкент әкімі Мұрат Әйтенов спорт кешенінің жұмысымен танысты. Қалада жастар арасында жүзу мен гимнастика кең тарағанын айтқан шаһар басшысы мұндай спорт кешендерін көптеп салу қажеттігін жеткізді. Орталық су кешенінің жалпы ауданы 5555 шаршы метр. Жүзу алаңы, асхана, медициналық кабинет, тренажер залы, 2 киім ауыстыратын бөлме, 725 көрерменге арналған орындық бар. 2012 жылы пайдалануға берілген. Сегіз жүзу жолағы бар. Бір мезетте 96 спортшыны қабылдауға мүмкіндігі бар. Қала басшысы су кешеніне келушілер үшін, әсіресе мектеп оқушылары үшін жеңілдетілген тарифтер қарастырып, санитарлық-гигиеналық талаптардың қатаң сақталуын тапсырды.
ҚАЛА ӘКІМІ ОРТАЛЫҚ СУ СПОРТ КЕШЕНІНІҢ ЖҰМЫС БАРЫСЫМЕН ТАНЫСТЫ
Comments