Тұран ауданы аумағындағы көпқабатты тұрғын үйлердің сыртқы қабырғаларына жаңа муралдар салынды.
Муралдардың негізгі тақырыптары:
— Қазақ вальсінің королі, халықтың сүйікті композиторы Шәмші — Қалдаяқовтың 95 жылдығына арналған
— 2025 жыл – Қазақстандағы Жұмысшы мамандықтар жылы аясындағы туынды
— Қазақстан халқы Ассамблеясының 30 жылдығына арналған, ел бірлігі мен бейбітшілікті насихаттайды
Жаңа муралдар орналасқан мекенжайлар:
Республика даңғылы №28, Темірлан тас жолы №54, №28, Алпысбаева көшесі №127, Д.Құрманбеков көшесі №32, Матросов көшесі №3,
1-Мамыр көшесі №1,
4-шағын аудан 48а,
Отырар көшесі №13.
Бұл өнер туындылары аудан тұрғындары мен қонақтарына ерекше әсер сыйлап, жас ұрпаққа тағылымды ой ұялатып, қаланың келбетіне заманауи сән беруде.
Тұран ауданында орнатылған муралдар қала тұрғындары мен қонақтарына бірегей көркемдік әсер сыйлайды. Әсіресе, жас ұрпақ үшін осындай көрнекі өнер туындылары көп нәрсені үйретіп, өз елінің тарихын, мәдениетін терең түсінуге мүмкіндік береді.
Тұран ауданының көпқабатты тұрғын үйлерінің сыртқы қабырғаларына жаңа муралдардың салынуы — бұл тек көркемдік тұрғыдан ғана емес, ауданның мәдени-рухани дамуына да қосылған маңызды үлес. Муралдар қала тұрғындарының күнделікті өміріне эстетикалық әсер етіп, ауданның тартымдылығын арттырып қана қоймай, бір мезгілде тарих, өнер мен ұлттың мәдени құндылықтарын дәріптейтін жаңа қала элементіне айналуда. Бұл жобаның жүзеге асырылуы, сонымен қатар, ауданның жаңа бейнесін қалыптастырып, жергілікті тұрғындар мен қонақтарға терең ой салатын әлеуметтік мәні бар өнер туындыларын ұсынады.
Мәселен, Шәмші Қалдаяқовтың бейнесі, қазақ вальсінің әуенімен терең үндесіп, халықтың жүрегінде мәңгілік орын алған. Бұл туынды жастарға рухани мұрамызды сыйлап, ұлттық өнерді бағалауға шақырады. Ал Қазақстан халқы Ассамблеясының 30 жылдығына арналған мурал, еліміздегі түрлі этностардың татулығы мен бірлігін, бейбітшілік пен келісімді паш етуде.
2025 жылға орай салынған муралдардың тағы бір маңызды мәні – жұмысшы мамандықтарына арналып жасалуы. Бұл да халықтың еңбекке деген құрметін, жұмысшы еңбегін бағалауды көрсететін белгі. Мұндай туындылар қаланың мәдени өмірін жандандырып, сол арқылы тұрандықтарды өз жеріне, ұлттық байлығына мақтанышпен қарауға үндейді.
Comments