Ата Заңға – отыз жыл: елдік пен бірліктің мерекесі

Іс-шара Мемлекеттік Әнұранмен басталып, жиналғандарға құттықтау сөзін Абай ауданының әкімі Шәкір Сұлтанхан арнады. Ол өз сөзінде Ата Заңның мемлекетіміздің тұғыры мен тәуелсіздігіміздің кепілі екендігін атап өтті.

Мерекелік кеште құқық қорғау және заң саласында қызмет етіп жүрген азаматтарға аудан әкімінің Алғыс хаттары табысталды. Алғыс хатта ел бірлігі мен қоғамдық келісімді нығайтуға, мемлекетіміздің өркендеуіне қосқан үлестері үшін ризашылық білдіріліп, азаматтық жауапкершілігі мен қоғамдық белсенділігі өскелең ұрпаққа үлгі екендігі айтылды.

Сонымен қатар, жиын барысында Конституция тарихына шолу жасалып, Ата Заңның маңызы кеңінен түсіндірілді. Мерекелік іс-шарада Шымкент қаласының өнерпаздары мен эстрада жұлдыздары әннен шашу шашып, тұрғындарға көтеріңкі көңіл-күй сыйлады.

Конституцияның қабылдануы Қазақстанның құқықтық мемлекет құру жолындағы маңызды қадамы болды. Бұл күні еліміздің әрбір азаматының құқықтары мен бостандықтары заңмен қорғалатыны, әділдік пен теңдік принциптері негізінде өмір сүріп жатқандығы туралы айқын түсінік берілді. Осылайша, Қазақстанның демократиялық даму жолындағы үлкен жеңісі атап өтілді.

Мерекелік шарада Ата Заңның мәні мен маңызын ұғындыратын түрлі тақырыптар қозғалып, қоғамдағы әр азаматтың Конституция алдындағы міндеттері мен құқықтары туралы тереңірек ой толғауға мүмкіндік туды. Бұл күн еліміздің құқықтық дамуына зор үлес қосқан барлық азаматтарға құрмет көрсетіліп, әрбір қазақстандықтың еліміздегі тұрақтылық пен бейбітшілікті сақтауға қосатын үлесі маңызды екендігі атап өтілді.

Қазақстан Республикасының Конституциясына 30 жыл толуына орай өткен салтанатты шарада Ата Заңның ел тәуелсіздігі мен бірлігінің негізі екендігі атап өтіліп, құқық қорғау саласының қызметкерлері марапатталды. Бұл мереке еліміздің құқықтық дамуын дәріптеп, азаматтардың құқықтары мен бостандықтарының қорғаушысы ретіндегі Конституцияның маңызын көрсетті.