Шымкент қаласында кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңестің кезекті отырысы өтті. Жиында кәсіпкерлердің субсидия алу барысында туындаған мәселелері қаралды.
Соңғы жылдары кәсіпкерлерге мемлекет тарапынан жан-жақты қолдау көрсетіліп келеді. «Бизнестің жол картасы» және «Қарапайым заттар экономикасы» бағдарламалары аясында тек Шымкент қаласының өзінде соңғы 5 жылда 5 500-ден астам жобаға қолдау көрсетілді. 2024 жылы – 944 шарт, биылғы жылдың өзінде 154 шарт жасалған.
Қазіргі таңда уақытша қаржыландыру тоқтап тұрғанымен, тиісті қаражат бөлінгеннен кейін кәсіпкерлерге несиенің субсидияланатын бөлігі толығымен өтеледі. Бюджет қаржысы түскен соң төлемдер қайта жанданып, кәсіпкерлікке берілетін қолдау жалғасын табады.
Бұл – кәсіпкерлікті дамытуға, бизнес жүргізуге қолайлы орта қалыптастыруға бағытталған нақты қадам. Кеңес отырысының қорытындысы бойынша жүйелі мәселелер тиісті министрлікке жолданып, орталық деңгейде шешім қабылдау ұсынылды.
🔹 Мемлекет тарапынан бизнеске тұрақты қолдау көрсетіліп келеді
🔹 Субсидия төлемдері қаржының түсуіне қарай толық аударылады
🔹 Қолайлы және ашық бизнес орта қалыптастыру – басым бағыт
Comments