КӨШПЕЛІ ҚОҒАМДЫҚ ҚАБЫЛДАУ ҚАБЛАНБЕКТЕ ЖАЛҒАСТЫ (-1-)

Бүгін «AMANAT» партиясы Сарыағаш аудандық филиалының ұйымдастыруымен Кабланбек ауылдық округінде көшпелі қоғамдық қабылдау өтті.
Көшпелі қоғамдық қабылдауға аудандық партия филиалының төрағасы Қ.Қыстаубаев, аудандық маслихат депутаты, фракция мүшесі Р.Асылбекұлы, «Қабланбек» БПҰ төрағасы С.Раев, Қабланбек ауылдық округ әкімінің орынбасары Е.Жиенбаев, ауданның дербес бөлімдерінің басшылары мен жауапты мамандары қатысты.
Қабланбек елді мекенінің тұрғыны Ғ.Меңлібаев Әділет көшесінің электр желілері мен бағаналарының тозығы жеткен, ауыстыруды сұрады.
Аудандық тұрғын үй коммуналдық шаруашылық бөлімінің маманы Н.Қалтай жобалау сметалық құжаттары әзірленіп жатқандығын, сараптамадан өтсе жақын арада шешімін табатындығын айтты.
Тасқұлақ елді мекенінен келген тұрғындар КХ-154 жолды орта жөндеуден өткізу, Т.Тұрсынов және Бақ көшелерінің электро энергиясының желілері мен бағаналарының тозығы жеткен ауыстыруды сұрады.
Жол жөндеу жұмыстары 2 ай көлемінде жасалатындығын автомобиль жолдары және жолаушылар көлігі бөлімінің маманы айтса, жарық және бағана мәселесі келесі жылға шешілетіндігін жауапты мекеме өкілі жауабында мәлімдеді.
Жонарық және Қанағат елді мекендерін жалғап тұрған көпірдің жанын су шайған, қажетті жөндеуді қажет етеді. Қанағат елді мекені су жүйелері тартылған көшелеріне орташа жөндеу (шағал төсеу), Жонарық елді мекені су жүйелері тартылған көшелеріне орташа жөндеу (шағал төсеу) жұмыстарын жүргізу, мектеп жанындағы жерге спорт алаңшасын салу жайлы тұрғындар мәселелерін көтерді…