«ҚҰҚЫҚТЫҚ КӨМЕК» ЖӘНЕ «КЕДЕРГІСІЗ КЕЛЕШЕК» ЖОБАЛАРЫ АЯСЫНДА ҚОҒАМДЫҚ ҚАБЫЛДАУ ӨТТІ

«AMANAT» партиясы Жетісай аудандық филиалында «Құқықтық көмек» партиялық жобасы және «Кедергісіз келешек» жобасы аясында аудан тұрғындары тәжірибелі заңгерлер мен білікті мамандардан заң аясындағы сұрақтарына жауап алды.
Партияның қоғамдық қабылдау бөлмесінде Жетісай ауданының прокуроры Айдархан Жүнісбеков, Жетісай, Мақтаарал және Шардара аудандары бойынша мемлекеттік сот орындаушы Жиенбай Тастанов , адвокат Егізбаев Алтай, нотариус Акильбаева Гульнура, жеке сот орындаушы Мамитов Мұрат, Жетісай аудандық тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің маманы, Жетісай аудандық жұмыспен қамту және әлеуметтік мәселелер бөлімінің маманы Н.Жамбаев пен бірге келушілердің өтініштерін тыңдады.
Қабылдауға келген азаматша алимент өндіру мәселесі төңірегінде сұрақтар қойды. Ал Д.Исламов үй кезегіне тұру бойынша заңгерлік көмек сұрап келді.
Қабылдауда болған азаматтарға айтылған кемшіліктер бойынша мекеме мамандары күрмеуі шешілмеген мәселелерді заң аясында қарайтын болды. Аудандық филиал өтініштерді хаттамаға түсіріп оң шешілуіне дейін бақылауға алды.
«AMANAT» партиясы Жетісай аудандық филиалы