Түркістан облысының тұрғындары Президент сайлауында белсенділік танытуда. Түскі сағат 16.00-ге дейін облыстағы сайлаушылардың 80,15 пайызы сайлау учаскелеріне барып, таңдау жасап үлгерген. Орталық сайлау комиссиясы жариялаған мәлімдеуінше, бұл әзірге республикадағы ең үздік көрсеткіш.
Сондай-ақ, облыстағы дауыс беру процесінің ерекше форматта өтіп жатыр. Мәселен, Түркістан қаласындағы №117 сайлау учаскесінде кітап көрмесі ұйымдастырылса, Кентаудағы №60 сайлау учаскесінде сайлаушылар ән шырқап, көпшіліктің көңілін көтерді. Ал Түлкібас ауданы, Майтөбе ауылында ұстаздықты ту еткен Есенгелдиевтер әулеті дауыс беруге қатысса, Сайрам ауданы мен Түркістан қаласында 100-ден асқан қариялар өз таңдауларын жасады.
Түркістан облысының Өңірлік коммуникациялар қызметі
Comments