Этнос жастары арасында қазақ халқының ұлттық ойындарынан сайыс өтуде

Түркістан облысы қоғамдық даму басқармасы «Қоғамдық келісім» КММ-нің ұйымдастыруымен Сайрам ауданы, Ақсукент ауылындағы «Қайрат» спорт кешенінде Қазақстан халқы Ассамблеясының «Қазақтану» мәдени-ағарту жобасы аясында этнос жастары арасында қазақ халқының ұлттық ойындарынан сайыс өтуде.
Сайысқа Сауран, Сайрам, Түлкібас, Төлеби, Кентау, Жетісай, Мақтаарал, Келес, Сарыағаш аудандарының этнос жастарынан құралған командалар қатысып, ұлттық ойындардың 8 түрінен бақ сынауда.
Атап айтқанда қазақша күрес, қол күрес, садақ ату, асық ату, қошқар көтеру, арқан тарту, тоғызқұмалақ, ләңгі тебу сайыстары бойынша өтіп жатыр.