Жаңалықтар

НЕСИЕЛІК ТҰРҒЫН ҮЙЛЕРГЕ ӨТІНІМДЕР ҚАБЫЛДАНАДЫ  

2022 жылғы 11 сәуірден 15 сәуір аралығында «Нұрлы жер» мемлекеттік бағдарламасының «7-20-25» бағыты бойынша несиелік тұрғын үйлерге «Shymkent-baspana.kz» сайтында тәулік бойы өтінімдер электронды түрде қабылданады.

Несиелік тұрғын үйлердің орналасқан мекен-жайы: Шымкент қаласы, Тұран шағын ауданы және Әкімшілік іскерлік орталығы, Арғынбеков көшесі. Қабат саны – 12 және 9

1 ш/метрінің бағасы, таза әрлеуде: 180 000 теңге.

Берілетін тұрғын үйлерде 900 пәтер, оның ішінде бір бөлмелі — 300 дана, екі бөлмелі -300 дана, үш бөлмелі — 300 дана.

1 бөлме ауданы – 32,7-49,3 ш.м.,

2 бөлме ауданы – 61,0 -66,0 ш.м.,

3 бөлме ауданы – 74,5- 82,0 ш.м.

«7-20-25» бағдарламасы бойынша төлем қабілеттілігі расталған азаматтар жылдық мөлшері 7 пайызды құрайтын, бастапқы жарна 20 пайыз, мерзімі 25 жылға дейін берілетін несиелендіру шарттарымен тұрғын үй алуға болады.

Бағдарламаға қатысу шарттары:

— Қазақстан Республикасының азаматының болуы;

— Ипотекалық несиелердің болмауы;

— Табыстың болуы;

— Баспананың болмауы.

Бұл бағдарламаны несиелендіру бойынша екінші деңгейлі 9 банк жұмыс атқаруда. Олар: «Банк Центр кредит» АҚ-ы, «Еуразиялық Банк» АҚ-ы, «Банк RBK», «Қазақстан Халық Банкі» АҚ-ы, «Forte Bank» АҚ-ы, «Сбербанк» АҚ-ы, «Altyn Bank» АҚ-ы, «First Heartland Jusan Bank» АҚ, «Банк Фридом Финанс Қазақстан» АҚ-ы.

Бағдарламаның негізгі талаптарына сәйкес, үміткерлер белгілі бір пәтер түріне өтініш береді және мынадай құжаттарды ұсынады:

1) өтініш беруші мен оның отбасы мүшелерінің жеке басын куәландыратын құжат;

2) жылжымайтын мүліктің жоқтығы (барлығы) туралы анықтама;

3) ипотекалық жылжымайтын мүлік үй қарыздарының жоқтығын дәлелдейтін кредиттік бюроның кредиттік есебі;

4) бірыңғай жинақтаушы зейнетақы қорының соңғы алты айдағы жеке зейнетақы зейнетақы шотынан үзіндісі;

5) жұмыс орнынан табысы туралы анықтама:

Әрбір азамат төлем қабілеттілігін растау кезеңінде банктің талабы бойынша қажетті құжаттарды ұсынады.

Егер өтініш беруші тиісті кірісті растамаса, онда келесі өтініш берушілердің алдын ала тізімдерінен іріктеу жүргізіледі.

ҚАЛА ӘКІМІ СПОРТ МЕКТЕБІНІҢ ҚҰРЫЛЫСЫМЕН ТАНЫСТЫ

Алдыңғы

№10 КОЛЛЕДЖІНІҢ ҚОСЫМША ОҚУ КОРПУСЫ ҚҰРЫЛЫСЫ ТАМЫЗ АЙЫНДА АЯҚТАЛАДЫ 

Келесі

Оқи отырыңыз

Comments

Leave a reply

Ваш адрес email не будет опубликован. Обязательные поля помечены *