Үшінші мегаполисте ел мерейін асқақтатып жүрген саңлақ спортшы жастарымыз көп. Мемлекет басшы Қасым-Жомарт Тоқаевтың Қазақстан халқына арнаған жолдауында еліміздегі бұқаралық спортты дамытуға ерекше серпін берген болатын. Жастарымызға салауатт өмір салтын насихаттап, спортпен айналысуына мол мүмкіндіктер жасалған қаламыздың спортшы жастары байрақты бәсекелерде ел намысын қорғап, жүлделі орындардан көрініп жүр. Осындай саңлақ спорт жастарымыздың бірі Ермайбай Бекзат Ресей мемлекетінің Уфа қаласында 2021 жылдың тамыз айының он алтыншы жұлдызы мен жиырма екінші кндері аралығында еркін күрестен жастар арасында өткен Әлем чемпионатында алпыс бес килограмдық салмақ дәрежесінде қола жүлдені жеңіп алды. Шымкент қаласының әкімі Әйтенов Мұрат Дүйсенбекұлы қаламыздың мақтанышы болған жас спортшы Ермекбай Бекзатты қабылдап, осынау жеңісімен құттықтап, сый-құрмет көрсетіп арнайы сертификат табыстап сәттілік тіледі. Спорт бәсекесінде ел намысын қорғап, алар асуымен бағындарар белестерінің көп болуына тілектестігін білдірді.
Comments