Тарихи мұраны сақтау тек көне ғимараттарды қалпына келтірумен шектелмейді. Қолжазбаларды цифрландыру, тарихи құжаттарды электрондық архивке енгізу және виртуалды экскурсиялар әзірлеу де мәдени құндылықтарды келешек ұрпаққа жеткізудің заманауи жолдары.
Қазақстан Республикасының жаңа Конституциясының 40-бабында азаматтардың тарихи және мәдени мұраның сақталуына қамқор болуға, тарих пен мәдениет ескерткіштеріне ұқыпты қарауға міндетті екені бекітілген.
Түркістан облысында 1 792 тарих және мәдениет ескерткіші бар. Олардың қатарында ЮНЕСКО-ның Бүкіләлемдік мұралар тізіміне енгізілген Қожа Ахмет Ясауи кесенесі, Отырар қалашығы және Сауран археологиялық кешені секілді құнды нысандар бар.
Осы мұраны заманауи технологиялар арқылы таныстыру мектеп оқушыларына, студенттерге және шетелдік зерттеушілерге тарихи деректерге қол жеткізуді жеңілдетеді.
Мысалы, ескерткіштердің үшөлшемді үлгілерін жасау, тарихи карталарды цифрландыру және бірнеше тілде виртуалды экскурсия ұсыну Түркістанның мәдени мұрасын халықаралық деңгейде танытуға мүмкіндік береді.
Тарихты сақтау – өткенді қорғау ғана емес, оны болашақ ұрпаққа қолжетімді ету.
Comments