Барлық мемлекеттік қызметтер арасында тек жедел жәрдем мен өрт сөндірушілер ғана қазақстандықтардың жартысынан көбінен қанағаттанарлық баға алды

Полицияның жұмысы көбінесе қанағаттанарлықсыз деп бағаланды

ҚР СЖжРА ҰСБ-ның мемлекеттік қызмет көрсету сапасына қанағаттанушылық деңгейін зерттеуіне сәйкес, қазақстандықтар мемлекеттік қызмет көрсету деңгейін өткен жылға қарағанда жоғары бағалайды.

Мәселен, жедел медициналық жәрдем орталықтары көрсететін қызметтердің сапасына толық қанағаттанған қазақстандықтардың үлесі 54,6%-ды, өрт сөндіру қызметі — 50,2%-ды құрады.

Бұл ретте полиция көрсететін қызметтердің сапасына қанағаттанған қазақстандықтардың үлесі 43,7%-ды, «Азаматтарға арналған үкімет» мемлекеттік корпорациясы — 43,3%-ды, салық қызметі — 43%-ды, басқа мемлекеттік қызметтер — 39,9%-ды құрады.

Ескерте кетейік: зерттеу респонденттерінің жауаптары келесі санаттар бойынша бөлінді: «қанағаттанбаймын», «ішінара қанағаттанамын» және «қанағаттанамын», сондай-ақ «жауап беруге қиналамын немесе қолданылмайды» нұсқасы да болды.

Мемлекеттік қызмет көрсету сапасына толық қанағаттанған респонденттердің үлесі қалаларға қарағанда ауылдық жерлерде көп болды.

Мәселен, жедел медициналық жәрдем орталықтарының қызметтеріне 53,3% қала тұрғындарына қарағанда 56,9% ауыл тұрғындары, салық қызметіне — ауыл тұрғындарының 49,6%-ы және қала тұрғындарының тек 39,5%-ы, ХҚКО-ларға — ауылда 48,7%-ы және қалада 40,4%-ы, полицияға — қаладағы 41,1%-ға қарағанда ауылда 48,5%-ы қанағаттанды.

Өрт сөндіру қызметтері бірдей бағаланды: ауыл тұрғындарының 50,3%-ынан және қала тұрғындарының 50,1%-ынан қанағаттанарлық баға алды.

Бірақ респонденттер көбінесе полиция қызметіне қанағаттанбайды: мұнда өткен жылғыдай зерттеуге қатысушылардың 4,4%-ы бірден қанағаттанарлықсыз баға берді.

Салық қызметтерін респонденттердің 2,8%-ы (2021 жылы — 2,9%), ХҚКО-ларды — 2,6% (2021 жылы — 3,3%), жедел медициналық жәрдем орталықтарын — 2,5% (2021 жылы — 2,7%), өрт сөндіру қызметін — барлығы 1,5% (2021 жылы — 1,7%) қанағаттанарлықсыз деп бағалады.