Шымкент қаласында тұрғындардың өмір сүру сапасын жақсарту мақсатында Әл-Фараби ауданында жолаушылар хабы саналатын 10 нүктеге «ноу-хау» аялдамалар салынбақ. Жаңа үлгідегі аялдамалар демеушілер тарапынан пайдалануға беріледі.
Осыған орай аудан әкімі Рашид Мыңбаев инвесторлармен кездесіп, құрылыс жоспарын пысықтады. Басты мақсат қала тұрғындары мен қонақтарына жайлы жағдай жасау. Қоғамдық орындардағы қауіпсіздікті қамтамасыз ету үшін аялдамаларға бейнебақылау камералары орнатылады.
Сондай-ақ, жолаушылардың ең басты қажеттіліктері саналатын желдеткіш пен тегін wifi, телефон қуаттағыш құрылғысы, көлік бағыттарын көрсететін жол картасы да қойылады. Бұл Үшінші мегаполисте инвесторлар тарапынан қолдау көрсетіліп жүзе асқалы жатқан жалғыз жоба емес. Бұған дейінде демеушілер тарапынан қаланың гүлденуі мен көркеюі жолында тың жобалар жүзеге асырылып келеді.
Жаңа үлгідегі аялдамалар алдағы айда ел игілігіне беріледі деп жоспарлануда. Шырайлы қаламыздың сұлу келбеті күн санап көркейіп, гүлдене берсін.
ИНВЕСТОР ЕСЕБІНЕН «SMART АЯЛДАМАЛАР» ОРНАТЫЛАДЫ
Comments