Мемлекет басшысының тапсырмасымен республика бойынша жүріп жатқан «Таза Қазақстан» экологиялық акциясының «Өнегелі ұрпақ» апталығына «AMANAT» партиясы Түлкібас аудандық филиалы белсене қатысуда. Акцияға, филиал қызметкерлері, БПҰ мүшелері өз үлестерін қосып, тазалық жұмыстарына белсене қатысуда.
Айта кететін, Мемлекет басшысының тапсырмасымен республика бойынша «Таза Қазақстан» экологиялық акциясы бес аптаға созылады. Әр аптаның өзіндік тақырыбы мен нақты мақсаты болмақ.
«Таза өлке». Бірінші аптада елді мекендердің тұрғындары, қоғам қайраткерлері, ұйымдардың қызметкерлері өз аумағындағы аулаларды тазалайды.
«Киелі мекен». Екінші апта тарихи-мәдени ескерткіштердің аумағын абаттандыруға арналады.
«Жасыл аймақ». Үшінші аптада көшет отырғызу, ағаштарды әктеу жұмыстары жүргізіледі.
«Өнегелі ұрпақ». Акцияның төртінші аптасында ардагерлердің аулалары мен қарттар үйінің аумағын тазалау, абаттандыру көзделеді.
«Мөлдір бұлақ». Акцияның қорытынды, бесінші аптасында өзендер мен көлдер қоқыстан тазартылады.
Экологиялық мәдениетті қалыптастыра отырып, отансүйгіштікке, табиғатты қорғауға, халықтың қоршаған ортаға деген сүйіспеншілігін арттыру мақсатын көздеген «Өнегелі ұрпақ» апталығын өңір аймақтарындағы барлық филиалдарда бастап кетті.
«Таза Қазақстан» республикалық экологиялық акциясына барлық Түлкібастықтарды қатысуға шақырамыз!
Бұл біздің өлке, көркейту өз қолымызда!
«ӨНЕГЕЛІ ҰРПАҚ» АПТАЛЫҒЫ БАСТАЛДЫ
Comments