ЕҢБЕК, БІРЛІК, СЕНБІЛІК

Қаламызды тазартуға үлес қос!
1 мамыр – Бірлік күні елімізде жалпыреспубликалық сенбілік өтуде. Бұл шараның еліміз үшін маңызы зор. Ауданымыздың,қаламыздың әрбір тұрғыны, әрбір мекеме, көше бойындағы әрбір үйдің маңайын, өзен бойларын тазалау арқылы ауызбіршіліктің үлгісін көрсетуде.
– Мемлекет басшысы Қасым-Жомарт Тоқаевтың бастамасымен еліміздің түкпір-түкпірінде «Таза Қазақстан» акциясы өтуде. Бұл бірреттік шара емес екенін түсінуіміз керек. Қала, ауыл және даланың күл-қоқыссыз болуы адамға тікелей қатысты. Біз бірлескен күш-жігердің арқасында ғана елімізді көркейте аламыз. Осы мақсатта “Таза Қазақстан” республикалық экологиялық акциясының “Өнегелі ұрпақ” апталығына орай
«AMANAT» партиясы Төлеби аудандық филиалының өкілдері бүгінгі игі шараға біркісідей қатысып, аудандық филиал ғимаратының ауласына тазарту, гүл түптерін қопсыту жұмыстарын жасады. Тазалық жұмыстары жалғасын табатын болады.