ҚАРАБҰЛАҚТЫҚТАР БАТЫСТАҒЫ БАУЫРЛАРҒА ГУМАНИТАРЛЫҚ КӨМЕК КӨШІН ЖАЛҒАСТЫРДЫ

Апатты аймақтардағы ағайындарға жеткізіліп жатқан гуманитарлық көмек керуені одан әрі жалғасуда.
Бұл игі іске Қарабұлақ ауылдық округі әкімінің аппараты және «Amanat» партиясының Қарабұлақ бастауыш ұйымының бастамасымен, «Сахи» және «Адал көмек» қайырымдылық қорлар мен Қазақстан халқы Ассамблеясының жанынан құрылған Сайрам аудандық қоғамдық қорлар да өз үлестерін қосты.
Еліміздің басына түскен қиындықты бірге бөлісіп, батыстық бауырларға 2 қайық, 2 су тартатын насос, құрал-саймандар, 5 000 дана қап, көрпе-төсектер, су өткізбейтін етіктер, азық-түлік және санитарлық-гигиенелық заттар жіберілді.