Түркістан облысының Сыбайлас жемқорлыққа қарсы қызметі сыбайлас жемқорлықтың себептері мен жағдайларын анықтау мақсатында 2023 жылғы 19 желтоқсаннан бастап Облыстық дене шынықтыру және спорт басқармасы мен оның ведомстволық бағынысты ұйымдарының қызметінде сыбайлас жемқорлық тәуекелдеріне сыртқы талдау жұмыстарын жүргізуде.
Талдау аясында, спорт түрлері мен бұқаралық спортты дамыту, спорт клубтары мен федерацияларға бөлінген қаржыны пайдалану, спортшылар мен жаттықтырушылардың сапалы құрамы, оларға төленетін еңбекақы қоры және басқа да мәселелер қамтылуда.
Құрметті тұрғындар, сыртқы талдау объектісіне қатысты ұсыныстарды қабылдау үшін anticor13@mail.ru электрондық поштасы және +7702-4313013 байланыс телефоны немесе Департамент (Түркістан қаласы,Тәуке хан даңғылы, №100) арқылы жүгіну мүмкіндігі қарастырылған.
Сыбайлас жемқорлыққа қарсы іс-қимыл мәселелерінде барлық азаматтардың ашық ұстанымы мен белсенділігі — аса маңызды!
Comments