Жетісу облысының кәсіпкерлері бөлшек салық мөлшерлемесін 4%-дан 2%-ға дейін төмендету туралы мәселені бірнеше рет көтерді. Өкінішке қарай, мемлекеттік органдар өкілдерімен өткен жиындар нәтиже бермеді.
Еске салсақ, өңірлік кәсіпкерлер палатасының алаңында бөлшек салық мөлшерлемесін төмендету мәселесі бірнеше рет көтерілген болатын. 2023 жылдың 20 наурызында қол қойылған заң жергілікті өкілді органдарға бөлшек салық мөлшерлемесін жартысына дейін төмендету құқығын берді. Содан кейін депутаттар салықтың бұл түрі шынымен жоғары деп санады. Мөлшерлемені төмендету керек деп санап, кәсіпкерлерді толығымен қолдады. Осы шара жүзеге асса, өңірдегі кәсіпкерліктің неғұрлым белсенді дамуына ықпал етеді, сондай-ақ кірістерді «көлеңкеден» шығаруға мүмкіндік береді.
Әр мәслихат аудандар мен қалалар деңгейінде салық мөлшерлемесін қаншалықты азайтуға болатынын экономикалық негіздемелер мен жергілікті бюджетке әсер етуді ескере отырып, жеке шешеді. Өңіде осы бағытта барлық қадам жасалған сияқты. Нәтижесінде жыл аяқталуға жақын және ешқандай шешім қабылданбады.
Кәсіпкерлер бұл жаңашылдықты оң қабылдады, өйткені олар шығындарының төмендеуін күтті. Сауда нүктелерінің иелері мен қызмет көрсетушілер атап өткендей, салықтардан басқа, олар лицензияны пайдалану үшін ақы төлейді. Сонымен қатар сақтандыру, зейнетақы және басқа да тұрақты жарналар бар. Осындай қаржылай кедергілер микро кәсіпорындарға қызмет аясын кеңейтуге мүмкіндік бермейді.
«Біздің бастамамыз бойынша Сауда жөніндегі салалық кеңес Жетісу облысының аудандары мен қалаларының барлық мәслихатына хаттар жолдады. Алты ай күттік, ал түпкілікті жауап берілмеді, не төмендетіледі, не қалатыны қабылданбады. Дәлірек айтсақ, біз сауалымызға жауап алмадық. Ал кейбір жағдайларда, мысалы, Текелі қаласы мәслихатынан бөлшек салық мөлшерлемесін төмендету мәселесі бойынша ұсыныстар түспегені туралы бізге хат келіп түсті», – деді сауда жөніндегі салалық кеңесінің төрағасы Эдиль Қазақпаев.
Неліктен процесс соншалықты кешіктірілді, түсініксіз болып қалады. Жауапты ведомстволар осы уақыт бойы дайындық жұмыстары жүргізілгенін және осы жылдың 1 желтоқсанына дейін шешім қабылдауға уәде бергенін хабарлайды.
Бірақ, мемлекеттік кірістер комитетінің ресми ақпаратына сәйкес, жергілікті өкілді орган бөлшек салық мөлшерлемесін төмендету туралы оң шешім қабылдаған жағдайда, ол 2023 жылдың қаңтарынан бастап күшіне енуі мүмкін. Бірақ егер шешім кейінірек қабылданса, онда Салық кодексінің 696-3-бабының 5-тармағының нормасын ескере отырып, ЖӨО-ның бөлшек салық мөлшерлремесін төмендету туралы шешімі тек 2025 жылдың бірінші қаңтарынан бастап күшіне енеді.
Сонымен қатар, еліміздің бірқатар өңірі – Астана қаласында, Қызылорда және Қарағанды облыстарының бірнеше елді мекендерінде халық қалаулылары бөлшек салық мөлшерлремесін шілдеге дейін төмендетуге дауыс берді және нәтижеге қол жеткізді. Ал Жетісу облысының кәсіпкерлері үшін тек бір жылдан астам уақыттан кейін күшіне енуі мүмкін жергілікті өкілді органдардың оң шешімін күту және үміттену ғана қалады. Егер биылғы шілдеге дейін бөлшек салықты төмендету арқылы ағымдағы салықты азаюы орын алса, күтілетін оң өзгерістер жаңашылдық әкелетін еді. Енді осы желтоқсанда шешімге келсе де, кештік етпей, келесі жылы іске асатын болар еді-ау…
Comments