АУЫЛ АМАНАТЫ» ЖОБАСЫ АЯСЫНДА АШЫҚ ЕСІК КҮНІ ӨТТІ

Қаржылық сауаттылық жөніндегі сарапшы, тренер Тимур Рахымжановтың айтуынша, арнайы оқудан өткеннен кейін адамдар борыштық міндеттемелерге жауапкершілікпен қарайтын болады.
Еске сала кетейік, бұған дейін «AMANAT» партиясы Halyk Bank-пен бірлесіп «Қарызсыз қоғам» жобасының басталғанын жариялап, тиісті меморандумға қол қойған болатын. Басты мақсат – азаматтардың әсіресе, берешегі бар қарыз алушылардың (жеке тұлғалар) қаржылық сауаттылық деңгейін арттыру,. Оқыту 2 мамырда басталып, жыл соңына дейін жалғасады.
Бірінші кезеңде Ақтөбе, Алматы, Түркістан, Солтүстік Қазақстан, Батыс Қазақстан, Жамбыл, Атырау және Маңғыстау облыстарының тұрғындары «Қарызсыз қоғам» жобасы аясында оқудан өтеді.
«Ауыл Аманаты» жобасы халықты тұрақты жұмыспен қамтамасыз ету, ауыл әлеуетін тиімді пайдалану арқылы ауыл экономикасын және халықтың өмір сүру деңгейін көтеруге үлкен мүмкіндіктер беретін жоба.
Осы мақсатта бүгін, «АMANAT» партиясы Сайрам аудандық филиалының ұйымдастыруымен «Ауыл Аманаты» жобасы аясында ашылған ақпараттық қолдау орталығында «Ашық есік» күні өтті.
Аталған шараға «AMANAT» партиясы Түркістан облыстық филиалының төрағасы Алтынсары Үмбетәлиев, аудандық партия филиалының төрағасы Алмас Әбдрахманұлы, Облыстық мәслихат депутаттары, фракция мүшелері Н.Жамалбеков және С.Ералиев, аудандық мәслихат төрағасы Ш.Халмурадов, Сайрам аудандық кәсіпкерлік палатасының директоры Г.Байболов, «Ырыс» шағын несие ұйымының аймақтық сарапшысы Д.Ендібаев пен ауыл округі әкімдері және дербес бөлім басшылары қатысты.
Ашық есік күні аясында «AMANAT» партиясы Түркістан облыстық филиалының төрағасы Алтынсары Дүйсенбекұлы облыстық партия филиалы тарапынан атқарылып, жатқан жұмыстар мен алдағы атқарылар жұмыстарға тоқталып өтті. Барлық аудан, қалаларда арнайы кездесулер өткізіліп, «Ауыл аманаты» жобасы кеңінен түсіндіріліп, тұрғындарды толық ақпараттандыру жұмыстары қарқынды түрде жүргізіліп жатқандығын атап өтті.
Сондай ақ, ашық есік күні аясында қоғамдық қабылдау өткізіліп, «Ақбұлақ-ӨНІМДЕРІ» кооперативінің төрағасы А.Керимов пен Қайнарбұлақ ауылдық округінің тұрғындарын «Ауыл аманаты» жобасы бойынша сұрақтарына жауап беріп, түсіндірме жұмыстарын жүргізді.
Бүгінде Сайрам ауданы бойынша бұл бағдарламаның бірінші кезеңінде Ақбұлақ ауылдық округі Жібек-Жолы ауылдық округі ұсынылған.
Жоба аясында ауылдық округтерде скриниг жүргізіліп, нәтижесінде жалпы өсімдік шаруашлығы, мал шаруашылығы, құс шаруашылығы және өзге кәсіппен айналысуға Ақбұлақ және Жібек Жолы ауылдық округтерінен 244 (Ақбұлақ-121, Жібек-Жолы-123) тұрғынға (оның ішінде АӘК) алушы 70 азамат жеңілдетілген 2,5 пайыздық несие алуға қызығушылық танытқан.
Бүгінгі күнге Жібек Жолы ауылдық округінен «Қазақбай ДИЯ» кооперативі құрылып, кооператив құрамына кіріп несие алуға 60 азамат ниет білдіріп оның 21 азаматтың құжаттары жинақталуда. 10 азаматтың құжаты аудандық «Ырыс» микро қаржы ұйымына тапсырылып, кепілге қойылатын мүлікке аталмыш мекеменің облыстық филиалынан тәуелсіз бағалаушының келуі күтілуде.
Ал, Ақбұлақ ауылдық округі бойынша «Ақбұлақ-ӨНІМДЕРІ» кооперативі құрылып кооператив құрамына кіріп несие алуға 65 азамат ниет білдірген. Оның 35 азаматы құжаттарын жинақтауда.10 азаматтың құжаттары облыстық «Ырыс» МҚҰ ұсынылып 6 азаматтың жобалары облыстық комиссиядан өткен. 4 азаматтың құжаттары несие тарихының дұрыс болмауына байланысты және мал қорасы талапқа сай болмауына орай кері қайтарылған.