Президент мемлекеттік қызметшілердің бойында қандай қасиет болуы керектігін атады.
Түркістанда өтіп жатқан ұлттық құрылтайда ел Президенті:
«Басшылық құрамды жаңарту жұмысы жалғасын табады. Мемлекет басшысы ретінде айтарым, министрлердің, әкімдердің және басқа да мемлекеттік қызметшілердің бойында негізгі екі қасиет болуы керек. Бұл – профессионализм, яғни нағыз маман болу және отаншылдық.
Ал олардың Президенттің жеке басына адалдығы мен үшін маңызды емес.
Мемлекет басшысын мадақтаудан гөрі жұмысты адал атқарып, халықтың алдында абыройлы болу әлдеқайда маңызды. Барлық мемлекеттік қызметшілерге осыны айтқым келеді.
Президент – әулие емес, халықтан биік тұлға емес» — деп, біздің елге қандай мемлекеттік қызметкерлер керектігін атап өтті!
Comments