Бүгін Кентау қаласында «Ақпараттық сауаттылық-өзіңді алдауға жол берме!», «Шиеленістердің қоғамға кері әсері», «Жазаның бұлтартпастығы» тақырыптарда қалалық Қоғамдық келісім кеңесі, Аналар кеңесі, Ардагерлер кеңесінің мүшелері және қоғам белсенділерімен кездесу болып өтті.
Кездесуде Түркістан облысы қоғамдық даму басқармасы «Қоғамдық келісім» КММ-нің Этносаралық қатынастар саласы мониторингі және ақпараттық-насихаттық жұмыстарды ұйымдастыру бөлімінің басшысы Исақов Хамит Рахматуллаұлы этносаралық татулықты нығайту бағытындағы ақпараттар жайында сөз қозғап, (әлеуметтік, нәсілдік, ұлттық, діни, рулық араздықты) қоздыруға бой алдырып оны БАҚ-та пайдаланған азаматтар ҚР Қылмыстық кодекстің 174-бабы бойынша жазаланатындығын жеткізіп кеңінен талқылау жұмыстарын жүргізді.
Сонымен қатар, Түркістан облысы дін істері басқармасы «Дін мәселелерін зерттеу орталығы» КММ-нің бөлім басшысы теолог Тағай Айбек Жолдасбекұлы діни ақпараттарды сүзгісіз қабылдау және оны жариялаудағы кейбір мәселелері жөнінде түсіндіріп өтті. Соңында сұрақ-жауаптарға кезектер беріліп тиісті деңгейде пікір алмасты.
Comments