Төлеби ауданы Орталық «Нұр» мешітінің ұйымдастыруымен «Қуаныш Ешенқұл» жеке қорының және мешіт жамағаты жомарт жандарының тікелей демеушілік етуімен,қасиетті Құрбан айт мерекесіне орай мерекелік сый жасау мақсатында әлеуметтік аз қамтылған 60 отбасына құрбандық еті үйлестірілді.
Құрбан шалу да – Алла Тағаланың бұйрығы, сол себепті бұйрықты шын ықыласпен орындаушы Раббысының разылығын алып, ахыретте жүзі жарқын болып, мол сауапқа иеленеді.
Сондықтан барша мұсылман әр жылда құрбан шалып, сол құрбан етінің бір бөлігін отбастарына, екінші бөлігін туған-туыстарына, жолдастарына және кембағалдарға таратып, Алла Тағаланың разылығына бөленеді.
Осындай игі бастамаларға амал етіп, жомарттық танытқан демеуші жандардың ата-бабаларының рухына аудан бас имамы Үсен Саурбаев құран оқып бағыштады.Алла тағала шалған құрбандықтарыңызды қабыл, несібелірін мол, істеріне береке бергей Әмин.
Comments