Бүгін Мақтаарал аудандық Қазақстан халқы Ассамблеясы жанындағы Аналар кеңесінің ІІ тоқсандағы отырысы өтті.
Кеңес отырысы Қазақстан халқы Ассамблеясының «Мәдениетті ана — мәдениетті ұлт» жобасының Мақтаарал ауданында іске асырылуы мен отбасы институтын қолдау және дәстүрлі отбасылық құндылықтарды сақтау бағытындағы іс-шараларды өткізу тақырыбына арналды.
Күн тәртібіндегі мәселелер бойынша Мақтаарал аудандық Аналар кеңесі төрайымының орынбасары Л.Тағаева мен Еңбекші ауылдық округі Аналар кеңесінің төрайымы М.Турабаева баяндама жасады.
Отырысқа қатысушылар күн тәртібіндегі мәселелер бойынша ой-пікірлерін ортаға салды.
Comments