ЖаңалықтарМәдениетРуханият

ҰЛТТЫҚ НАҚЫШТАҒЫ СӘН КИІМ ҮЛГІЛЕРІНІҢ КӨРМЕСІ ӨТУДЕ

Шымкентте қала күні мерекесі қарсаңында «Қазақстан халқы Ассамблеясы» ғимаратында «Мәдениетті ана – мәдениетті ұлт» республикалық жобасының аясында «Ұлттық киім – ұрпаққа мұра» фестивалі өтіп жатыр.

Аталған іс-шара «Ынтымақ» этносаралық қоғамдық бірлестігінің ұйымдастыруымен қаламызда алғаш рет қолға алынып отыр. Қазақи нақышқа толы көрмені тамашалауға Алматы және Шымкент қаласы сән үйлерінің өкілдері мен дизайнерлері және қала тұрғындары келді.

– «Ұлттық киім – ұрпаққа мұра» фестивалін өткізудегі мақсатымыз – Ұлы Дала мәдениетінің бірден-бір мұрагері қазақ халқының ұлттық киім үлгілерінің қолданысын аясын кеңейту және жас ұрпаққа дәстүрлі киім үлгілерін ұсыну болып отыр. Сонымен қатар қаламыздағы ұлттық киім индустриясында қызмет атқаратын жас дизайнерлер мен зергерлердің қолынан шыққан бұйымдары — дәстүрлі киімдер мен әшекейлер, ат-әбзелдері, құрақ көрпе, күнделікті тұрмыста қолданатын дүниелерді кеңінен танымал ету. Бүгінгі іс-шарада балалар мен қариялар нео-этно стиліндегі ұлттық киімдер шеруін өткізеді. Одан бөлек Мирас, Ақсукент, ОҚМПУ жоғары оқу орындарының сән мектептері өздерінің топтамаларын таныстырады,- деді «Ынтымақ» этносаралық қоғамдық бірлестігінің төрайымы Гауһар Төлепова.

Қазақи сән киім үлгілерін дәріптеген бұл іс-шарада 9 коллекция көрсетіледі. Оның ішінде 4 топтама «Ынтымақ» этносаралық мәдени бірлестігіне тиесілі.

«Шымкент келбеті» — Айдана МҰХТАРОВА, Фото: Серік ҚОСАЕВ

ШЫМКЕНТ ИНВЕСТИЦИЯ ТАРТУДАН КӨШ БАСТАДЫ  

Алдыңғы

ҚАЛА КҮНІ МЕРЕКЕСІ ҚАРСАҢЫНДА ЖАНКҮЙЕР ЖАСТАР МАРАПАТТАЛДЫ

Келесі

Оқи отырыңыз

Comments

Leave a reply

Ваш адрес email не будет опубликован. Обязательные поля помечены *