ШЫМКЕНТ ҚАЛАСЫНДАҒЫ БАРЛЫҚ БІЛІМ БЕРУ ҰЙЫМДАРЫ «ASHYQ» ЖОБАСЫНА ҚОСЫЛДЫ.
COVID-19 инфекциясының таралуын алдын алу мақсатында талай оң істер атқарылуда. Соның бірі — үшінші мегаполис — Шымкент қаласындағы 785 білім беру ұйымының педагогтары 100% вакциналаудан өтті. Сонымен қатар, 106.0 млн теңгеге санитарлық гигиеналық жабдықтар алынды. Білім беру ұйымдарында ата-аналар арасында балаларының қауіпсіздігін қамтамасыз ету мақсатында вакциналаудан өту қажеттігі жөнінде түсіндірме жұмыстары жүргізілуде. Осыған байланысты, барлық мемлекеттік білім мекемелеріне бүгінгі таңда «Ashyq» жүйесі арқылы кіріп-шығу жүзеге асырылуда. Мектептер мен мектепке дейінгі мекемелердің 100 пайызы QR-код алды және 1 қыркүйектен бастап «Ashyq» бойынша жұмыс істеуге бар мүмкіндік жасалған. Әрбір тиісті орын «Ashyq» мобильді қосымшасын жүктеп алуы тиіс, сонымен бірге телефон нөмірі арқылы авторизация жасап, ЖСН-ді енгізу керек. Нысанға кіре берісте кіруді тіркеу үшін QR-кодын сканерлеу қажет. Сонда экрандағы статуста көк, жасыл, қызыл немесе сары түс көрінетін болады. Осыдан телефон иесінің екпе салдырғаны немесе салдырмағанының бәрі көрініп тұрады.
Comments