Былтыр індет қатты өршіп тұрған Қасым-Жомарт Тоқаев төтенше жағдайға байланысты «ірі қалалардың негізгі көшелерінде маскалар азаматтарға тегін таратылу тиіс» деген болатын. Осы бастамаға Шымкенттіктер де алғашқылардың бірі болып қолдау білдірген еді. Мемлекет басшысынын сол ұсынысын Шымкенттіктер тегін бетперде таратумен айналысады.
Шымкент қаласында эпидахуалдың тұрақсыз болуына орай, коронавирус инфекциясының таралуына жол бермеу мақсатында жаппай бетперде тарату және ауқымды дезинфекциялау жұмыстары атқарылуда.
Залалсыздандыру жұмыстары қоғамдық көліктерде, теміржол вокзалы мен халықаралық әуежайда және адамдар көп жиналатын қоғамдық орындарда жүргізілуде. Дезинфекциялау қоғамдық көліктерде күніне екі рет жүргізіледі. Карантин талаптарына сәйкес ревизорлы бақылау қызметкерлерініңде киім үлгісі өзгерген.
Жалпы қалада 16 тасымалдаушы болса, онда 1050 қоғамдық көлік тұрғындарға қызмет көрсетуде. Халыққа барлық жерде бетперде тағу міндеттелген. Сондықтан бүгін барлық қоғамдық көліктерде бетперде тегін таратылуда. Тегін бетпердеге қол жеткіздендер таратушыларға алғысын білдірді.
Comments