Көкбөріге арналған әлемдегі ең үлкен ескерткіш Ұлытауда орнатылған.
Түркі халықтары үшін қасиет пен киенің, қайсарлықтың символы саналатын Көкбөріге арналған мүсіннің салмағы — 2 тонна, тұғырымен қоса есептегендегі салмағы – 5 тонна шамасында екен.
Еңселі ескерткіштің биіктігі – 9,70 метр, оның ішінде мүсіннің биіктігі – 6 метр, ал тұғыры — 3,70 метр.
«Ұлытаудың Көкбөрісі» деген атау берілген ескерткіш Ұлытаудан 35 шақырым жерде – Жезқазғанға апаратын жол бойындағы «Күмісбұлақ» демалыс орны аумағында орнатылған.
Идея авторы әрі мүсіншісі – Еуразия Дизайнерлер одағының мүшесі Амантай Меңдіғалиев.
Ескерткіш 2020 жылдың желтоқсан айында ашылған.
Мадина Сабыр
Comments