ЕҢБЕК ҚАТЫНАСТАРЫ ТУРАЛЫ ТҮСІНДІРМЕЛЕР БЕРІЛДІ

«Қалың қалай, бастауыш ұйым» акциясы аясында «Қызмет» салалық кәсіподағы Шымкент қаласының дене шынықтыру және спорт басқармасының «Шымкент қаласының олимпиада резервін даярлау орталығы» КММ-нің кәсіподақ мүшелерімен кездесу өтті.
Кездесу жиынында «Қызмет» салалық кәсіподағы Шымкент қалалық филиалының төрағасы Әуесханов Серік: «2026 жылы Қазақстан Республикасының Еңбек кодексіне бірнеше заңмен елеулі өзгерістер мен толықтырулар енгізілгені, оның ішінде, 2026 жылғы өзгерістер еңбек қатынастарын іс жүзінде еңбек шарты болған жағдайда азаматтық-құқықтық шартпен рәсімдеуді шектеуге, жұмыскердің ар-намысы мен жеке өмірін қорғауға, жазатайым оқиғаларды тергеу рәсімін нақтылауға, медициналық тексеру мен еңбек қауіпсіздігі кепілдіктерін кеңейтуге және еңбек қатынастарын цифрлық ортаға бейімдеуге бағытталған. Жұмыс берушілер үшін бұл еңбек және азаматтық-құқықтық шарттарды, кадрлық рәсімдерді, тәртіптік жаза тәртібін, еңбек қауіпсіздігі мен киберқауіпсіздік жөніндегі ішкі актілерді қайта қарауды қажет етуі мүмкіндігін баяндады.»
Жиында еңбек қатынастары саласындағы құқықтар мен міндеттерді білу әрбір қызметкер үшін маңызды екені атап өтілді. Еңбек адамының өз құқықтарын білуі оның жұмыс орнындағы жауапкершілігін арттырып қана қоймай, еңбек ұжымындағы өзара түсіністік пен тұрақтылықты қалыптастыруға ықпал етеді. Заң талаптарын сақтау жұмыс беруші мен жұмыскер арасындағы сенімді қарым-қатынастың негізгі негіздерінің бірі болып саналады.
Әсіресе дене шынықтыру және спорт саласында еңбек қауіпсіздігіне жауапкершілікпен қараудың маңызы жоғары. Спортшылармен, жаттықтырушылармен және спорт нысандарында қызмет көрсететін мамандармен жұмыс барысында қауіпсіздік талаптарын сақтау, белгіленген тәртіптерді орындау және қызметкерлердің денсаулығын қорғауға бағытталған шараларды қамтамасыз ету тұрақты назарда болуы қажет.
Еңбек заңнамасындағы өзгерістер туралы ақпараттың еңбек ұжымдарына түсіндірілуі қызметкерлердің құқықтық сауаттылығын арттыруға мүмкіндік береді. Мұндай кездесулер барысында жұмыскерлер өздерін толғандырған мәселелерді тікелей мамандарға қойып, нақты жағдайларға қатысты түсініктеме ала алады. Бұл өз кезегінде еңбек дауларының алдын алуға және мәселелерді заң аясында шешуге жол ашады.
Кәсіподақ ұйымының қызметі де осы бағытпен тығыз байланысты. Қызметкерлердің еңбек құқықтары мен заңды мүдделерін қорғау, еңбек жағдайларын жақсартуға ықпал ету, еңбек қауіпсіздігі талаптарының сақталуына назар аудару және жұмыс беруші мен жұмыскер арасындағы әлеуметтік әріптестікті нығайту – кәсіподақ жұмысының маңызды бағыттары.
Сонымен қатар еңбек қатынастарын цифрлық ортаға бейімдеу қазіргі еңбек нарығындағы өзгерістермен үндеседі. Қызметкерлердің еңбек шарттары мен кадрлық рәсімдерге қатысты ақпараттың қолжетімді әрі түсінікті болуы еңбек қатынастарын реттеудің тиімділігін арттыруға ықпал етеді. Бұл ретте еңбек адамының құқықтық сауаты мен цифрлық сауаттылығы қатар жүруі маңызды.
Қатысушылардың берген сұрақтарына жауаптар берілді. Кездесу барысында көтерілген мәселелер қызметкерлердің еңбек заңнамасы туралы білімін жетілдіруге, өз құқықтары мен міндеттерін дұрыс түсінуге және еңбек ұжымындағы құқықтық мәдениетті қалыптастыруға бағытталды.