Қоғамда қарапайым еңбек адамдарының бейнесін қалыптастыру, жұмысшылар мен өз саласының мамандарының жетістіктерін насихаттау – бүгінгі күннің басты міндеттерінің бірі. Ел Президентінің «Адал азамат» және «Адал еңбек» концепциясы аясында еңбексүйгіштікті басты құндылық ретінде дәріптеп, масылдық көңіл-күйден арылу идеясы кеңінен тартылуда. Бұл ретте ұрпақ тәрбиесінің алдыңғы шебінде жүрген педагогтердің еңбегі ерекше атап өтуге лайық.
А. Бөкейханов атындағы жалпы орта білім беретін мектебінің қазақ тілі мен әдебиеті пәні мұғалімі, «Педагог-зерттеуші» санатының иегері өзінің білім беру саласындағы 21 жылдық педагогикалық еңбек жолында кәсіби шеберліктің озық үлгісін көрсетіп келеді.
М. Әуезов атындағы Оңтүстік Қазақстан зерттеу университетін аяқтаған білікті маман 2010 жылдан бері А. Бөкейханов атындағы мектепте ұстаздық етіп, оқушыларға сапалы білім мен өнегелі тәрбие беріп келеді. Өзінің іскерлік әрі ұйымдастырушылық қабілетінің арқасында ол 2020–2026 оқу жылдары аралығында мектептің қазақ тілі мен әдебиеті пәндері әдістемелік бірлестігінің жетекшісі қызметін абыроймен атқаруда.
Педагогтің басты ұстанымы – жас ұрпақты жастайынан еңбекқорлыққа, ізденімпаздыққа және білімге баулу. Ұстаз өз сабақтарында заманауи білім беру технологияларын шебер қолданып қана қоймай, дарынды оқушыларды ғылыми-зерттеу жұмыстарына бағыттайды. Соның бір айқын дәлелі – мектептің 8-сынып оқушысы Асқарғали Банудың ғылыми-зерттеу жобаларына жетекшілік етуі. Тәжірибелі мұғалімнің басшылығымен шәкірті білім бәйгелерінде өз білігін дәлелдеп, шығармашылық ізденістерін шыңдап келеді.
Ұстаз еңбегінің бағасы – тек берген білімімен емес, шәкірттің бойына адами асыл қасиеттерді, еңбекке деген құрмет пен жауапкершілікті сіңіруімен өлшенеді. Бүгінгі таңда білім беру жүйесіндегі заманауи реформалар мен жаңа педагогикалық тәсілдерді меңгеруде мұғалімнің өз бетінше ізденуі, біліктілігін үздіксіз арттырып отыруы аса маңызды. Осы орайда, сабақта цифрлық технологияларды тиімді пайдаланып, оқушылардың сыни ойлауы мен шығармашылық қабілетін дамытуға басымдық беретін кейіпкеріміз өзінің әріптестері арасында да жоғары беделге ие. Оның әдістемелік бірлестікті басқарудағы ұйымдастырушылық шеберлігі мектептегі қазақ тілі мен әдебиеті пәнін оқыту сапасын жаңа деңгейге көтеруге зор серпін беріп келеді.
Бүгінгі таңда қоғамдағы патерналистік көңіл-күйді төмендетіп, өз күшіне сенетін, адал тапсып, жауапкершілікті сезінетін буынды қалыптастыруда ұстаздар қауымының үлесі орасан. 21 жылдық тарихы бар ұстаздық жол – адал еңбектің, тынымсыз ізденістің және өз кәсібіне деген адалдықтың жарқын үлгісі.
Қаншама жылдық ұстаздық тәжірибесі бар педагог-зерттеушінің еңбек жолы – жас мамандар мен өсіп келе жатқан жас ұрпақ үшін нағыз үлгі-өнеге. «Еңбек түбі – береке» демекші, өз кәсібін шексіз сүйетін, білім саласының дамуына өлшеусіз үлес қосып жүрген мұндай қарапайым еңбек адамдарының бейнесін насихаттау – қоғамда адал еңбек құндылығын орнықтырудың басты кепілі. Ұлт болашағын тәрбиелеудегі ұстаздың тынымсыз ізденісі мен адал қызметі қай кезде де мемлекет пен қоғам тарапынан жоғары құрметке лайық.
Comments