Шымкент қаласының Маятас тұрғын алабында табиғат аясында жайлы әрі заманауи демалыс ұсынатын «Omir Shymkent» глэмпинг жобасы іске асырылуда. Жоба қаланың туристік әлеуетін арттырып, ішкі туризмді дамытуға, экологиялық мәдениетті қалыптастыруға және өңірдің инвестициялық тартымдылығын күшейтуге бағытталған.
Инвесторларға жалпы аумағы 53 гектар жер телімі бөлініп, жобаға 2,5 миллиард теңге инвестиция салынған. Құрылыс жұмыстарының алғашқы кезеңінде 15 құрылысшы тұрақты жұмыспен қамтылды. Бүгінгі таңда 9 глэмпинг, 2 капсулалық үй және мейрамхана ғимаратының құрылысы жүргізілуде.
Келесі кезеңде 38 глэмпинг, 18 капсулалық үй, заманауи мейрамхана, SPA-аймақ, бассейн, спорттық алаңдар, амфитеатр, сондай-ақ жылқы шаруашылығына арналған аумақ пен вино дайындау кешенін салу жоспарланған.
Жоба толық жүзеге асқанда, өңірде жаңа жұмыс орындары ашылып, экотуризм саласы жаңа серпін алады. Бұл бастама Шымкенттің туристік имиджін нығайтып, қаланы инвестиция тартуда тартымды орталықтардың біріне айналдыруға мүмкіндік береді.
«Omir Shymkent» глэмпинг жобасы экотуризмнің жаңа мүмкіндіктерін ашып, Шымкентті туризм саласындағы маңызды бағыттардың біріне айналдыруға ықпал етеді. Бұл жоба қаладағы табиғи ресурстарды пайдалану арқылы экологиялық туризмді дамытуға, табиғатты қорғау мәдениетін насихаттауға және жергілікті тұрғындардың экономикалық жағдайын жақсартуға бағытталған. Сонымен қатар, жобаның жүзеге асуы туристердің көңілінен шығатын экологиялық таза демалыс орындарын ұсынуға мүмкіндік береді.
Алдағы кезеңдерде жоба толық іске қосылғаннан кейін, Шымкенттің экотуризм саласы жаңа серпін алады, әрі туристік инфрақұрылым күрт жақсарады. Бұл бастама өңірдің инвестициялық тартымдылығын арттыруға ықпал етіп, жергілікті экономикаға оң әсерін тигізеді. Жаңа жұмыс орындарының ашылуы мен экотуризмнің дамуы қаланың экономикалық тұрғыда өсуіне жағдай жасайды.
Comments