Шымкент қаласында көшелерді жарықтандыру мақсатында тиісті жұмыс атқарылып, 1800-ге жуық көшеге жалпы саны 35 218 жарық шамы орнатылды. Соның нәтижесінде жыл соңына дейін қала көшелері 100% жарықтандырылады. Атап айтқанда, Жолаушылар көлігі және автомобиль жолдары басқармасы тарапынан:
Абай ауданында 721 көшеге 12 787 жарық шамы;
Әл-Фараби ауданында 72 көшеге – 776 шам;
Еңбекші ауданында 239 көшеге – 7 096 шам;
Қаратау ауданында 413 көшеге – 10 253 шам;
Ал Тұран ауданында 313 көшеге 4 306 жарық шамы қойылған.
Жылдың соңына дейін тағы 985 көшеге шамдар орнатылып, қала көшелерін жарықтандыру көрсеткішін 100%-ға жеткізу жоспарланған.
Тиісті жұмыс атқарылып, толық іске қосылғаннан кейін жалпы саны 2 743 көшедегі шамдар күтіп-ұстау үшін Шымкент қаласының Энергетика және инфрақұрылым басқармасының теңгеріміне 2025 жылдың желтоқсан айында өткізілмек. Айта кетейік, Жолаушылар көлігі және автомобиль жолдары басқармасы тарапынан 2024 жылы қала аумағындағы 1238 көшеге 33 422 жарық шамы орнатылып, Энергетика және инфрақұрылымды дамыту басқармасының теңгеріміне өткізілген.
Бұл жобаның іске асырылуы қала тұрғындарының қауіпсіздігін қамтамасыз етумен қатар, түнгі уақытта көшелердің көрінісін жақсартуға да ықпал етеді. Сонымен қатар, көшелердің толық жарықтандырылуы Шымкенттің көркейіп, дамуының тағы бір маңызды көрсеткіші болып табылады. Жарық шамдарының орнатылуы қала көшелерінде қылмыстың азаюына, сондай-ақ автокөліктердің қозғалысы кезінде қауіпсіздік деңгейінің арттыруына ықпал етеді.
Қала аумағында жарық шамдарын орнатудың нәтижесінде, тұрғындардың өмір сүру сапасы жақсарып, қала инфрақұрылымы заманауи талаптарға сай жетілдіріледі. Әсіресе, түнде қалада жүріп-тұруды әлдеқайда ыңғайлы әрі қауіпсіз етеді. Бұл қадам Шымкенттің әлеуметтік-экономикалық дамуының бір бөлігі ретінде маңызды рөл атқарады.
Жалпы, Шымкенттегі көшелерді жарықтандыру жұмыстары қала инфрақұрылымының заманауи деңгейге көтерілуіне ықпал етіп, тұрғындардың қауіпсіздігін арттыруға бағытталған маңызды қадам болып табылады. Бұл өзгерістер Шымкенттің дамуына қосқан үлес ретінде қала тұрғындарына да, қонақтарына да үлкен қолайлылық туғызады.
Comments