“Таза Қазақстан” экологиялық акциясы аясында Әл-Фараби ауданының Түркістан көшесі бойындағы көппәтерлі тұрғын үйлердің аулаларында кең көлемді сенбілік ұйымдастырылды. Бұл экологиялық шара тұрғындардың ортақ күш-жігері арқылы өзімізді қоршаған ортаны таза ұстау, экологиялық мәдениетті қалыптастыруға бағытталды. Сенбіліктің басты мақсаты — қаладағы қоғамдық орындардың тазалығын қамтамасыз ету, сондай-ақ аудан тұрғындарын табиғатты қорғауға, оның тазалығына жауапкершілікпен қарауға шақыру болды.
Іс-шара барысында аула аумағындағы орындықтар жаңартылып, сиренап қайта сырланып, көгалдандыру аймақтары күтімге алынды. Сонымен қатар, түрлі ағаштар қырқылып, олардың өсуіне кедергі келтіретін бұтақтар жойылды. Ирригациялық арықтар мен қоқыс орындары толықтай тазартылып, айналадағы қоқыс қалдықтары шығарылды. Сенбілік барысында жалпы саны 120 адам мен 7 арнайы техника жұмылдырылып, нәтиже ретінде 10 тоннаға жуық қоқыс шығарыла отырып, аумақты ретке келтіру жұмыстары толық аяқталды.
Сенбілікке Әл-Фараби ауданы әкімінің аппараты, Шымкент қаласының Экология департаменті, Жайлы ортаны дамыту басқармасы, сондай-ақ ауданның коммуналдық қызметкерлері мен тұрғындары белсенді қатысып, ортақ жұмысқа өз үлестерін қосты. Бұл сенбілік қаланың экологиялық ахуалын жақсартуға және тұрғындардың санитарлық мәдениетін көтеруге бағытталған маңызды шара болды. Сонымен қатар, сенбілік барысында әрбір қатысушы өз міндетін атқарып, аумақтың таза әрі жайлы болуына зор үлес қосты.
Енді, осы сенбіліктердің арқасында аудан аумағында ауа мен су тазалығы, тұрғындардың денсаулығы мен өмір сүру сапасы артатындығы сөзсіз. Осы бағыттағы жұмыстар алдағы уақытта да жалғасып, қала тұрғындарының тазалықты сақтауға деген жауапкершілігін арттыруға көмектеседі.
Таза қала мен таза аумақ — бұл тек мемлекеттік немесе жергілікті басқару органдарының емес, әрбір азаматтың қолында. Сондықтан, әрбір тұрғын өз аумағын таза ұстау, табиғатты қорғауға қатысты белсенділік таныту арқылы қаланың экологиялық ахуалын жақсартуға үлес қосатынын ұмытпауы қажет.
Сенбілік сияқты шаралар арқылы әрбір адам өзіне ғана емес, қоғамға да қызмет етіп, табиғатқа деген жауапкершілікті сезінеді. Бұл бағыттағы жұмыстар тұрақты түрде жүргізіліп, тұрғындардың мәдениетіне айналуы тиіс. Тазалықты сақтау — ортақ іс, бұл тек қала үшін ғана емес, болашақ ұрпақ үшін де маңызды!
Comments