Мамандардың айтуынша, құтырудың алдын алудың ең тиімді тәсілі – вакцина алу және қауіпсіздік шараларын сақтау. ҚР Ұлттық егу күнтізбесіне сәйкес, құтыру жұқтыру қаупі жоғары топтарға жыл сайын жоспарлы түрде антирабиялық вакцина егіледі.
Бұл қатарға зертхана қызметкерлері, жануарларды аулау қызметінің мамандары, аңшылық және орман шаруашылығы қызметкерлері, кинологтар және жабайы жануарлармен байланысқа түсуі мүмкін адамдар кіреді. Сондай-ақ, кез келген жануар тістеген немесе тырнаған жағдайда адам міндетті түрде егілуі тиіс.
Белгісіз немесе күдікті жануар тістеген кезде жараны дереу сабынды сумен жуу, антисептикпен өңдеп, стерильді таңғыш қою қажет. Ең бастысы — уақыт жоғалтпай медицина мекемесіне жүгіну. Құтыруға қарсы вакцина зақымданған сәттен бастап 0, 3, 7, 14 және 28-күні егілетін арнайы кесте бойынша жүргізіледі.
Шымкент қаласында құтыруға қарсы көмек №2 қалалық аурухананың «Рабиология» бөлімшесінде (Жандосов көшесі, 92) тәулік бойы тегін көрсетіледі. Вакцина қоры жеткілікті.
Қала тұрғындарына ветеринариялық қауіпсіздік шараларын сақтау да маңызды:
- ит пен мысықтарға жыл сайын құтыруға қарсы екпе салдыру;
- үй жануарларын чиптеу және тіркеу;
- иттерді байлап ұстау, бейтаныс жануарларға жақындамау;
- күдікті жануарларды көрсе, ветеринар мамандарға хабарлау.
Құтыру – адамның өміріне қауіпті және емделмейтін аурулардың бірі болып табылады. Бұл дерттің қоздырғышы вирус болып, көбінесе жабайы жануарлардан, әсіресе иттер мен мысықтардан жұғады. Мамандардың айтуынша, құтырудың алдын алудың ең тиімді тәсілі – вакцина алу және жануарлармен жұмыс істеу барысында қауіпсіздік шараларын сақтау.
Ветеринариялық қауіпсіздік шараларын сақтау да маңызды болып табылады. Бұл мақсатта үй жануарларын міндетті түрде жыл сайын құтыруға қарсы екпе алу қажет. Сонымен қатар, иттер мен мысықтарды чиптеу және тіркеу, оларды байлап ұстау, бейтаныс жануарларға жақындамау және күдікті жануарларды көрген жағдайда ветеринар мамандарға хабарлау сияқты қауіпсіздік шараларын сақтау аса маңызды.
Халық даналығында айтылғандай, «Ауырып ем іздегенше, ауырмайтын жол ізде». Құтыру – емі жоқ қауіпті дерт, бірақ оның алдын алуға болады. Дәрігерлер дер кезінде вакцина алып, қауіпсіздік ережелерін сақтауға шақырады. Әр адамның денсаулығы – өз қолында!
Comments