Ордабасы ауданының тұрғыны Қалтай Аяулым Ержанқызы аудандық «Мансап» орталығының жолдамасымен аудандық психологиялық-педагогикалық түзету орталығында еңбек жолын бастап, кәсіби шеберлігін шыңдап жүр.
Аяулым бұл бағдарлама арқылы өз мамандығы бойынша алғашқы тәжірибесін жинап, балалармен жұмыс істеу барысында көптеген дағдыларды меңгеруде. Ол өзінің кәсіби даму жолында «Балалармен жұмыс істеп, олардың дамуына үлес қосу – мен үшін үлкен бақыт. Жастар практикасы өз мамандығым бойынша алғашқы тәжірибе жинауға мүмкіндік берді», – деп атап өтті.
Жастар практикасы – бұл өз мамандығы бойынша жұмыс істеп, болашағыңа сенімді қадам жасауға арналған тамаша мүмкіндік. Бұл бағдарлама арқылы жұмыссыз жастар өздері таңдаған салаларда алғашқы тәжірибесін жинап, біліктіліктерін арттырып, болашақта тұрақты жұмысқа орналасуға мүмкіндік алады.
Мемлекет тарапынан ұсынылатын жұмыспен қамтудың мемлекеттік бағдарламалары жұмыссыз жастарға жаңа мүмкіндіктер ұсына отырып, олардың кәсіби жолын ашуға және еңбек нарығына бейімделуіне көмек береді. «Жастар практикасы» бағдарламасы 35 жасқа дейінгі түлектерге өз мамандығы бойынша алғашқы жұмыс тәжірибесін жинауға, сондай-ақ болашақта тұрақты жұмысқа орналасуға жол ашады.
Жастар практикасы – болашаққа деген сенімді қадам ғана емес, сонымен қатар өз потенциалын ашуға арналған нақты қадам. Бұл бағдарлама жас мамандарға кәсіби дамудың алғашқы баспалдағын көрсетіп, еңбек нарығына бейімделуіне көмектеседі. Аяулымның тәжірибесі сияқты, жастар осындай бағдарламалар арқылы мамандығын тереңірек меңгеріп, шеберлігін шыңдай алады. Бағдарлама жастарға нақты дағдылар мен тәжірибе бере отырып, олардың өздеріне деген сенімділігін арттырады, болашақта маман ретінде табысқа жетуге жол ашады.
Бағдарламаның шарттары:
Тәжірибе ұзақтығы – 12 айға дейін
Ай сайынғы төлем – 30 АЕК (117 960 теңге) (мемлекет есебінен)
Еңбек өтілі есепке алынады
Тұрақты жұмысқа орналасу мүмкіндігі бар
Бұл бағдарлама жастарға кәсіби тәжірибе жинақтап, еңбек нарығында өз орнын табуға үлкен мүмкіндік береді. Жастар практикасы – қадам басар сәтте сенімді тірек, жаңа білім мен дағдыларды игеруге, кәсіби өсуді бастауға зор мүмкіндік.
Comments