Шымкент қаласы Әл-Фараби ауданы әкімі аппаратына биылғы «Мерейлі отбасы – 2025» ұлттық байқауына қатысуға 25 отбасыдан өтінім келіп түскен болатын. Жыл сайын дәстүрлі түрде ұйымдастырылатын бұл отбасылық байқау – берекелі шаңырақтарды насихаттау мен отбасы құндылықтарын дәріптеуді мақсат етеді.
Бұл байқау қоғамдағы ынтымақ пен өзара түсіністікті арттыруға, жас ұрпаққа үлгі боларлық өнегелі отбасылардың беделін көтеруге бағытталған.
Қызу додада өмірлік тәжірибесімен, бірлігімен және үлгілі тәрбиесімен ерекшеленген 4 отбасы топ жарды. Олардың құжаттары байқаудың ІІ-кезеңіне жолданып, нәтижесінде «Нұртаевтар» отбасы үздік деп танылды.
«Нұртаевтар» әулеті – бірнеше ұрпақ өкілдері бір шаңырақ астында тату-тәтті өмір сүріп келе жатқан, тәрбиелі де еңбекқор отбасы ретінде көпке үлгі.
Байқау барысында олар ата-аналық мейірім мен сыйластықтың жоғары үлгісін көрсетіп, әділ қазылар алқасының оң бағасына ие болды.
Қала әкімінің орынбасары А.Құранбек барлық қатысушы отбасыларды қала әкімі Ғабит Сыздықбековтің атынан алғыс хатпен марапаттап, бағалы сыйлықтар табыс етті.
Салтанатты рәсім жылы лебіздер мен көтеріңкі көңіл күйге толы болды. Жиналған жұрт жеңімпаздарды қол шапалақтап қарсы алды.
Енді «Нұртаевтар» отбасы Астана қаласында өтетін республикалық кезеңде Шымкент қаласының намысын қорғайтын болады.
Олар елорда төрінде өздерінің отбасылық ұстанымдарын, ұлттық тәрбиенің үлгісін кеңінен танытуды көздеп отыр.
Бұл – тек бір отбасының емес, тұтас қала тұрғындарының абыройын көтеретін маңызды жауапкершілік.
Отбасылық бірлік пен ұлттық құндылықтарды ұлықтаған барлық қатысушыларға алғыс білдіреміз!
Берекесі мен бірлігі жарасқан отбасылар – еліміздің берік тұғыры!
Осындай жарыстар арқылы ұлттық тәрбие мен рухани құндылықтар ұрпақтан ұрпаққа берілетіні сөзсіз.
Бұл байқаудың басты мақсаты – отбасылық құндылықтарды дәріптеу және қоғамда өзара түсіністік пен достықты нығайту. Жеңімпаз отбасылардың үлгісі жастарды дұрыс тәрбиеге, адал еңбекті бағалауға және ұлттық дәстүрлерді сақтауға шақырады.
Отбасы – бұл қоғамның негізгі ұясы, және оның әрбір мүшесі бір-біріне қамқорлық танытып, өзара қолдау көрсету арқылы еліміздің болашағын жарқын етуге үлес қосады.
Бұған қоса, бұл байқау қоғамда «отбасы – қоғамның алтын қазынасы» деген ұғымды нығайтып, көпшілікке отбасының маңыздылығын тағы да еске салады.
Қатысушылардың өздері осы байқауға қатысу арқылы өз отбасыларын ғана емес, еліміздің дамуында үлкен рөл атқаратын ынтымақтастық пен сүйіспеншілікті үлгі етті.
Comments