Әл-Фараби ауданы, Рашидов көшесіндегі №25 үй ауласында орналасқан балалар ойын алаңшасы толықтай жаңартылып, заманауи әрі қауіпсіз күйге келтірілді. Бұл игі іс — тұрғынның өтініші негізінде іске асқан нақты нәтиженің дәлелі.
Көпбалалы ана, осы үйдің тұрғыны Жадыра Нарзиева «AMANAT» партиясының Әл-Фараби аудандық филиалы жанындағы Қоғамдық қабылдауға жүгініп, ойын алаңының тозып, балалар үшін қауіпті болып тұрғанын айтып, көмек сұраған болатын.
Өтініш партия өкілдері тарапынан жедел түрде қаралып, мәселе тиісті мекемелерге жеткізілді. Нәтижесінде, аудан әкімдігі тарапынан қолдау көрсетіліп, алаң қайта жаңартылды. Бұл жоба партия мен аудан әкімдігі өкілдерінің бірлескен жұмыс нәтижесінде іске асырылды. Ойын алаңының барлық талаптарға сай жаңаруы балалардың қауіпсіздігі мен жайлы ойнауына жағдай жасады.
Жаңартылған алаңшаға дән риза болған Жадыра Нарзиева өз алғысын білдірді:
«Бұрынғы алаңшаның жағдайы нашар еді, балалар үшін қауіп төндіріп тұрды. Қоғамдық қабылдауға жүгінген соң, мәселе көп ұзамай шешілді. Партия мен әкімдікке алғысым шексіз. Енді балаларымыз қауіпсіз әрі жайлы ортада ойнап жүр», – деді ол.
Бұл жұмыс «Айтылды – орындалды» қағидаты аясында жүзеге асып, «AMANAT» партиясының халықтың үніне құлақ асып, нақты әрекетке көшетінін тағы бір мәрте көрсетті. Сонымен қатар, бұл — тұрғындармен тиімді кері байланыстың жарқын мысалы. Мұндай әрекеттер адамдардың өмір сапасын арттырып, қоғамдық сенімді нығайтуға маңызды үлес қосады.
Аулаларды жаңарту барысында бұрынғы құрылыс элементтерінің тозығы жеткенін ескере отырып, оларды алмастыру жұмыстары жүргізілді. Аулалардағы ойын элементтерінің басым бөлігі темірден жасалған және көпшілігінің уақыт өте келе тозғаны байқалды.
Шымкент қаласының көпқабатты тұрғын үйлер аумағында да жаңа ойын алаңшалары орнатылып, тұрғындар үшін қолайлы жағдайлар жасалуда. Ойын алаңшаларының орналасқан жерлері балаларға ыңғайлы әрі қауіпсіз болуын қамтамасыз ететін арнайы жобалар негізінде салынып жатыр. Сондай-ақ, құрылыс материалдары мен жабдықтардың барлығы тек отандық өндірушілерден алынуда, бұл жергілікті экономикаға қосымша қолдау көрсетуге мүмкіндік береді.
Сіз де өз ұсыныс-өтінішіңізді жеткізе аласыз — әрбір пікір ескерусіз қалмайды!
Comments