Шымкент қаласы Әл-Фараби ауданы Бөген көшесінің тұрғыны Айғаным Сарыбаева «AMANAT» партиясының Орталық аппаратындағы қоғамдық қабылдау бөлмесіне жүгініп, өзі тұратын аумақта тазалық жұмыстарының ұзақ уақыт бойы жүргізілмегенін айтып, өз шағымын жеткізді. Оның айтуынша, көшенің бойында қоқыс шашылып, бейберекет өскен қураған шөптер елдімекеннің келбетіне кері әсер етіп, тұрғындарға қолайсыздық туғызып келген. Шағымның басты себебі – тұрғындардың қоршаған ортаның ластануынан туындаған денсаулық мәселелері мен эстетикалық тұрғыда жайсыздық сезіміне жол берілмеу.
Тұрғынның бұл шағымын партия өкілдері назардан тыс қалдырмай, бірден Әл-Фараби аудандық әкімдігіне жолдады. Партияның мұндай жедел әрекет етуі және мәселенің үнемі бақылауда болуы жергілікті тұрғындарға үлкен сенім ұялатады. Нәтижесінде, Бөген көшесінде тазалық жұмыстары ұйымдастырылып, қоқыстар шығарылып, шөптер шабылып, айналасы ретке келтірілді. Әрине, бұл жұмыстардың сапасы мен уақытында орындалуы тұрғындардың көңілінен шықты, әрі алдағы уақытта мұндай шаралар тұрақты түрде жүзеге асырылатынына үміт артты.
Іс-шараның нәтижесіне риза болған Айғаным Сарыбаева өз алғысын жеткізіп:
– Бұл да біз үшін бір мәселе еді. Айналамыз тазара түсті, балаларымыз да емін-еркін ойнай алады. Тұрғындар үнін ескеріп, нақты әрекет еткен партия мен әкімдікке алғыс айтамын, – деді. Айғанымның айтуынша, бұл жұмыстың нәтижесінде көшенің жай-күйі айтарлықтай жақсарып, тұрғындардың өмір сапасы да арта түсті.
Осылайша «AMANAT» партиясы тұрғындар өтінішіне жедел әрекет етіп, ел игілігіне бағытталған істерге ұйытқы болып келе жатқанын тағы бір мәрте дәлелдеді. Бұл оқиға қоғамдағы жауапты және әрекетшіл партия ретінде «AMANAT» партиясының беделін нығайта түсуде. Партияның белсенді жұмысы мен қоғамға деген қамқорлығының арқасында халықтың қажеттіліктеріне жылдам әрі тиімді жауап берілуі қалыптасқан дәстүрге айналуда.
Comments