«Жұмысшы мамандықтар жылы» аясында Шымкент қаласында еңбек адамдарын ұлықтауға арналған салтанатты іс-шара өтіп, бірқатар азамат «AMANAT» партиясының Алғыс хатымен марапатталды. Олардың қатарында қаланың тазалығына үлес қосып жүрген коммуналдық қызметінің және құрылыс саласының мамандары бар. Бұл шараның басты мақсаты – жұмысшы мамандықтардың қоғамдағы беделін арттыру, сондай-ақ осы салаларда еңбек ететін адамдардың еңбекқорлығы мен адал еңбегіне құрмет көрсету. Еңбек адамдарына көрсетілген құрмет олардың жұмысқа деген ынтасын арттырып, жастарға үлгі боларлықтай болары сөзсіз.
Іс-шараға «AMANAT» партиясы Шымкент қалалық филиалы атқарушы хатшысының орынбасары Ербол Байқонысов, Тұран аудандық филиал төрағасы, қалалық мәслихат депутаты Абзал Зейнетаев, сондай-ақ Чернобыль ардагерлер одағының төрағасы Сайфулин Нахбаев қатысты. Жиында партия өкілдері жұмысшы мамандықтарының қоғамдағы рөлі мен маңызына тоқталды.
Ербол Байқонысов Мемлекет басшысының бастамасын атап өтіп, жұмысшы мамандықтарына деген сұраныстың артып келе жатқанын тілге тиек етті:
«Президент Қасым-Жомарт Тоқаев 2025 жылды «Жұмысшы мамандықтар жылы» деп жариялағаны баршаңызға белгілі. Мемлекет басшысы техникалық және кәсіптік білім беру жүйесін түбегейлі жаңғырту қажет екенін атап өтті. Бұл – жұмысшы мамандықтардың маңызын арттырып, олардың беделін көтеру жолындағы нақты қадам», – деді ол. Сонымен қатар, ол жұмысшы мамандықтардың болашақ экономика үшін маңызды екеніне, олардың жастар арасында танымал болуына ерекше назар аударылды.
Салтанатты жиында мәслихат депутаты Абзал Зейнетаев өз өмір жолынан мысал келтіре отырып, еңбек адамының табысқа жету жолын баяндады:
«Мен еңбек жолымды қарапайым жұмысшы болып бастадым. «Су-ресурстар маркетингі» мекемесіне жұмысқа орналасып, уақыт өте келе басшылық қызметке дейін көтерілдім. Егер адам өз ісіне адал болса, кез келген салада жетістікке жетуге болады. Ең бастысы – еңбек етуден шаршамау», – деді ол. Абзал Зейнетаевтің өмірі жастар үшін нақты үлгі болып табылады, себебі ол өзінің еңбекқорлығы мен табандылығының арқасында үлкен жетістіктерге жеткен.
Сондай-ақ, Чернобыль ардагерлер одағының төрағасы Сайфулин Нахбаев өз атынан бірнеше азаматқа Алғыс хаттар табыстап, олардың қоғамға қосқан үлесін атап өтті. Нахбаевтың айтуынша, осы іс-шара тек еңбек адамдарын марапаттау ғана емес, сонымен қатар олардың рухын көтеріп, жастарға өнегелі еңбек жолын көрсетудің бір үлгісі болып табылады. Марапат иелері көрсетілген құрметке ризашылықтарын білдіріп, еңбек жолындағы ынталарын арттыра түскенін жеткізді.
Іс-шара жұмысшы мамандық иелерінің абыройын асқақтатып, жастарды еңбекке баулуға бағытталған маңызды басқосу ретінде бағаланды. Бұл шараның нәтижесінде қоғамда жұмысшы мамандықтарының маңызы арттырылып, жастарды қолдау үшін жаңа мүмкіндіктер туындайды.
Comments