«AMANAT» партиясы Шымкент қалалық филиалы жанындағы Партиялық бақылау комиссиясының кезекті отырысы өтті. Басқосуға комиссия төрағасы Ғани Ташқараев, Әл-Фараби ауданы әкімінің орынбасары Марат Тәжібаев, Тұран ауданы әкімінің орынбасары Аманжол Бекбол, Қаратау ауданы әкімінің орынбасары Досалы Амангелдиев және комиссия мүшелері қатысты. Отырыс барысында партияның аймақтық жұмыстары мен жоспарлары талқыланып, нақты атқарылуы тиіс міндеттер белгіленді.
Жиын барысында «AMANAT» партиясының сайлауалды бағдарламасын іске асыру мақсатында атқарылып жатқан жұмыстар сараланды. Әр аудан өкілдері өз бағыттарындағы инфрақұрылымдық жетістіктер мен өзекті мәселелер туралы есеп берді.
Отырыс барысында партияның сайлауалды бағдарламасының орындалу барысындағы кезең-кезеңімен жүзеге асырылған шаралар мен келесі кезеңге жоспарланған жұмыстар туралы да айтылды
Алдымен сөз алған Әл-Фараби ауданы әкімінің орынбасары Марат Тәжібаев аудандағы негізгі көрсеткіштерге тоқталды. Бүгінде 270 мыңға жуық халқы бар ауданда тұрғындар 100% ауыз су, табиғи газ және электр қуатымен қамтылған. Бұл көрсеткіштер ауданның инфрақұрылымдық дамуының жақсы деңгейде екенін көрсетеді. Дегенмен, жол және инженерлік инфрақұрылымды жаңарту сынды бағыттарда әлі де атқарылатын істер жеткілікті екенін атап өтті. Әсіресе жолдардың сапасын жақсарту және жаңа тұрғын үйлерді қосқанда инфрақұрылымды жаңарту мәселелері маңызды болып отыр.
«Аудандағы көшелердің жалпы ұзындығы 260 шақырымды құрайды. 2025 жылы жолдардың 89%-ын, ал 2027 жылы 100%-ын жақсы және қанағаттанарлық жағдайға жеткізу көзделіп отыр. Сонымен қатар, жылу және ауыз су құбырларын жаңарту жұмыстары жоспарға сәйкес жалғасуда», – деді аудан әкімінің орынбасары. Бұл көрсеткіштер аудандағы көлік қатынасын жақсарту және тұрғындардың тұрмыс сапасын арттыру бағытында маңызды қадамдар болып табылады.
Келесі кезекте сөз алған Тұран ауданы әкімінің орынбасары Аманжол Бекбол аудандағы инфрақұрылым мәселелері туралы баяндады. Қазіргі таңда ауыз сумен қамтамасыз ету көрсеткіші – 98,5%. Жыл соңына дейін екі шағын аудандағы құрылыс аяқталса, бұл көрсеткіш 100%-ға жетпек. Электр қуатымен қамту – 95,2%, ал табиғи газ – 85,7% деңгейінде.
«Келер жылы газбен қамту 100 пайызға жетеді. Электр қуаты бойынша да жыл соңына дейін толық қамтуға қол жеткізу көзделіп отыр», – деді ол.
Comments