Қытайдың астанасы Бейжің төрінде өтіп жатқан «ПарАзия ойындарында» Қараталдың қайсар ұлы, құралайды көзге атқан мергеніміз — Төлеуқасым Нұршат Мейрамқасымұлы ел намысын абыроймен қорғап, парасадақ атудан жекелей сайыста Қазақстан қоржынына алғашқы қола медальді салды!
Бұл – жай ғана жүлде емес, бұл – ерік-жігердің, табандылықтың және отансүйгіш жүректің жемісі.
Бұл – тарих!
Парасадақ ату бойынша жекелей сында еліміз тұңғыш рет медаль алып отыр. Жас спортшының бұл жеңісі – күллі елге рух, мүмкіндігі шектеулі жандарға – үміт, ал жас буынға – үлгі мен мақтаныш.
Қасиетті Қараталдай қастерлі мекеннен түлеген тарланның бұл жеңісі – жер жәннаты Жетісудың жүрегінен ұшқан жауынгер рухтың, «Мүмкін емес» деген ұғымды жоққа шығарған қазақтың қайсар болмысының дәлелі!
Жарайсың, Нұршат!
Сенің атың – ел есінде,
Ерлігің – жүрек төрінде!
Жетісудың төсінен шыққан сен секілді ұландар барда – Қазақ елі әрдайым биікте!
Қобланды АБЕНОВ
Comments