Жұмат Шанин атындағы академиялық қазақ драма театры жақында ғана шымкенттік көрерменнің көңілінен шығып, сұранысына ие болған башқұрт драматургы Айгиз Баймұхаметовтің «Тастамашы, ана!» спектаклін алматылық көрермендерге ұсынды. Бұл гастрольдік сапар – «Оңтүстік лебі» деп аталды. 19-20-мамыр күндері Ғабит Мүсірепов атындағы қазақ мемлекеттік академиялық балалар мен жасөспірімдер театрында спектакль екі күн қатарынан үш сеанспен сәтті өтіп, әртістердің еңбегі қалың көрерменнің ризашылығымен аяқталды. Жүректегі тебіреніс, сергелдең, ағыл-тегіл жылау сынды көрермен эмоциясы келіп көргендерден байқалып тұрды. Бастысы, ақын, жазушы Саят Қамшыгер қазақшаға аударған «Тастамашы, ана!» шығармасы жүректерге жетті.
Мәдениеттің мәйегі — театр. Сондықтан, қазақы қаймағы бұзылмаған қарашаңырақ театрдың әр жұмысы табысты, сәтті болсын!
Аида ӨТЕП,
журналист
Comments