Шымкент қаласында Астана алаңында көктемнің шуақты мерекесіне арналған басты іс-шара Ұлыстың ұлы күні – Наурыз мейрамы кең көлемде атап өтілді.
Наурыз мейрамы – жыл басы, өткенге есеп беріп, бүгінге көз жүгіртіп, болашаққа бағыт алған мереке. Күн мен Түн теңеліп, табиғаттың жаңаруы мен қайта оянуының белгісі болып табылатын Наурыз – ынтымақ, бірлік және достықтың мейрамы. Бұл мереке халықты біріктіріп, ортақ мақсаттарға жетуге ынталандырады.
Шымкент қаласындағы этномәдени бірлестіктердің белсенділері, «Қоғамдық келісім» мекемесінің қызметкерлері және Қазақстан халқы Ассамблеясының мүшелері бұл айтулы мерекеге ерекше белсенділікпен қатысып, қала тұрғындарына мерекелік көңіл-күй сыйлады. Этномәдени бірлестіктер өздерінің салт-дәстүрлерін паш етіп, ұлттық тағамдарын ұсынды. Шымкент қалалық ҚХА жанындағы құрылымдар мен этномәдени бірлестік өкілдері мерекелік шараны ерекше мән-маңызға бөле отырып, оған өз үлестерін қосты.
Мерекелік бағдарламаның аясында ұлттық спорт ойындары, цирк қойылымдары, қолөнер шеберлерінің көрмелері және театрландырылған көріністер ұсынылды. Көпшілік асыға күткен «Наурызнама» музыкалық-театрландырылған қойылымы қазақ халқының тарихы мен мәдениетін бейнелеген әсерлі сахналық көріністермен өрнектелді.
Шараның басты көрінісіне айналған өнер жұлдыздары арасында Жұбаныш Жексенұлы, Ақбота-Нұр, Бауыржан Исаев, Әбдіжаппар Әлқожа әншілер өз өнерлерін паш етіп, қала тұрғындарына ерекше көңіл-күй сыйлакетейік
Айта кетейік, кешкі сағат 20:00-де отандық және әлемдік танымал эстрада жұлдыздарының қатысуымен мерекелік гала-концерт өтеді. Наурыз мерекесіне арналған іс-шаралар қаланың барлық аудандарында жалғасады.
Қоғамдық келісім баспасөз қызметі
#ҚХА30жыл #30летАНК #Шымкент #Shymkent #Наурыз #Ұлыстыңұлыкүні
Comments