Түркітілдес журналистер қорының құрылғанына биыл 10 жыл. Осы мерейлі кезеңге байланысты Алматыда көптен күткен IV Халықаралық түркітілдес журналистер медиа форумы басталды. Жан-жақтан жиналған қатысушылар кеше Алматы қаласының көрікті жерлерін, оның ішінде Шымбұлақты аралады. Бүгін, 11-қарашада осы форумның салтанатты ашылуы өтті. Оның модераторы осы қоғамдық қордың президенті Нәзия Жоямергенқызы. Медиа форумға Түркия Республикасының Алматыдағы Бас консулы Эврен Мүдеррисоғлұ, ҚР Мәдениет және ақпарат министрлігі БАҚ саласындағы мемлекеттік саясат департаменті БАҚ саласындағы мемлекеттік саясатты қалыптастыру басқармасының басшысы Нұрбибі Жекен, Алматы қаласы Қоғамдық даму басқармасының басшысы Айдар Есенбеков, ҚР Парламенті Сенатының депутаты Нұртөре Жүсіп қатысуда.
Спикерлер Ахмет Тузун Түркі елдеріндегі спорт туризмі туралы хабардар етсе, Ақтоты Райымқұлова Түркі әлемінің мәдени құндылықтары туралы кеңінен әңгімеледі. Ал Өзбекстаннан келген Нұрлан Усманов Өзбекстан туризмінің даму келешегі жөнінде қызықты ақпараттарды жеткізді.
Медиа форумда осындай мәнді де маңызды мәселелермен танысудамыз. Бұдан біздің үйренеріміз көп болмақ.
#түркітілдесжурналистерқоры #фондтюркоязычныхжурналистов #turkdilikonuşangazetecilervakfı#turkicspeakingjournalists #халықбанк #halykbank #шеврон
Comments