Кеше Шымкент қаласындағы Абай саябағында Абай атындағы орталық кітапхана жүйесінің ұйымдастыруымен ақын, ағартушы, философ, композитор, аудармашы Абай Құнанбайұлының туған күніне орай «10 тамыз — Абай күні» тақырыбы аясында «Абай әлемі» атты байқау өтті. Онда іс-шараға жиналған зиялы қауым өкілдері ұлы ақын ескерткішіне гүл шоқтарын қойды. Мұнда көрермендер кітапхана қызметкерлері мен Әуезов атындағы Оңтүстік Қазақстан университеті ұйымдастырған «Абай — адамзаттың мəңгілік рухы» мен «Абай тағылымы — мəңгілік азық» тақырыбындағы кітап көрмелерін тамашалады. Бұл күні өнерсүйер қауым нағыз өнермен сусындады: байқауға қатысушылар ақынның өлеңдері мен əндерін тыңдады.
Жалпы, бұл байқауға қатысушылардың саны жылдан-жылға артып келеді. Биыл барлығы 224 үміткер қатысып, оның 30-ы ақтық сында өнер көрсетті.
Негізі бұл байқау жастардың өнерге деген құштарлығын арттырды. Абай аталарының өнерімен сусындап, оны бойларына сіңіруге атсалысты.
Бас жүлде
1. 18 жасқа дейінгі – Керімбай Анеля Тұрарқызы Планшет
2. 18 жастан жоғары – Исабек Әзімхан Үсенұлы «Apple ІPhone» ұялы телефоны
І орын
1. 18 жасқа дейінгі – Мақсатұлы Бек-Мұхаммед ( Смарт сағат)
2. 18 жастан жоғары – Даулет Сұлтанғали Ерғазыұлы (Смарт сағат)
ІІ орын
1.18 жасқа дейінгі — Амирбек Еркежан Бердібекқызы (Фотокамера)
2.18 жасқа дейінгі — Сұлтанбекұлы Абдулла (Фотокамера )
3 . 18 жастан жоғары — Сұлтанбекұлы Байғали (Фотокамера)
4. 18 жастан жоғары — Серікқызы Ботакөз (Фотокамера)
ІІІ орын
1. 18 жасқа дейінгі — Шәріпбек Бексұлтан Қайратұлы (Ақылды колонка)
2. 18 жасқа дейінгі — Барат Асема Оразбайқызы (Ақылды колонка)
3. 18 жасқа дейінгі — Әділ Жаннұр Сүндетұлы (Ақылды колонка)
4. 18 жастан жоғары — Құрбанәлі Айжан Аймаханқызы (Ақылды колонка)
5. 18 жастан жоғары — Исраилова Патимат Хамзатқызы (Ақылды колонка)
6. 18 жастан жоғары — Смағұл Жасұлан Радикұлы (Ақылды колонка)
Байқап отырған боларсыздар, байқауға қатысқандардың ешқайсысы бос кеткен жоқ. «Тойдан — тобықтай» демекші, бәрі де көрсеткен өнерлеріне қарай үлестерін алып қайтты.
Осындай жастарды өнерге баулуға, қазақтың біртуар ұлын тануға арналған іс-шаралар көбейе бергей! Бұл қазақ халқының болашағы жарқын боларына қосылған үлестің бірі.
Базаркүл ҚАЛБЫР
Comments