ТҮРКІСТАН-КЕЛЕС: ДЕПУТАТТАР АҒАШ КӨШЕТТЕРІН ЕГУГЕ АТСАЛЫСУДА.

Келес ауданының Ошақты ауылдық округіне қарасты Атақоныс және Жиделі елді мекендерінің тұрғындары 650 дана қара ағаш көшеттерін қондырды. Аталған шара облыстық маңызы бар Абай-Шардара автомобиль тас жолының бойында ұйымдастырылып, 80-ге жуық ауыл азаматтары, Ошақты ауылдық округінің әкімі Нұрмаханбет Нархозиев, Келес аудандық маслихат депутаттары Маханбет Қожағұлов және Жеңісхан Ешанкулов пен ауыл жанашырлары да белсене қатысты.
Отырғызылған ағаштар толық қоршауланған, келешекте ағаш отырғызылған аумақ қос ауылдың арасын жалғайтын саябаққа айналдыру жоспарлануда.
«AMANAT» партиясы Түркістан облыстық филиалының баспасөз қызметі