Бүгін «AMANAT» партиясы Түлкібас аудандық филиалының қоғамдық қабылдау бөлмесінің 2024 жылға бекітілген жұмыс жоспарына сәйкес мемлекеттік мекеме және дербес бөлім басшыларының, мамандарының және округ депутатының қатысуымен Келтемашат а/о қарасты Кершетас елдімекенінде көшпелі қоғамдық қабылдау өткізілді. «AMANAT» партиясы Түлкібас аудандық филиалының атқарушы хатшысы Е.Жүнісов қабылдауды жүргізіп, келген түрлі сала басшыларымен таныстырды. Тиісінше округ тұрғындары өздерінің көкейлерінде шешімін таппай жүрген өтініш, ұсыныстарын білдіріп, көмек сұрады, сауалдарына, мәселелеріне жауап алды. Келтемашат а/о тіс дәрігерінің қажеттілігі, денсаулық саласына қатысты бірқатар мәселелер, Келтемашат ауылында мобильді байланысының жоқтығы, жайылым жер, мектепке баратын көшелерді жарықтандыру, жол мәселелері көтерілді. Қабылдау қорытындысымен хаттама түзілді, тиісті өтініштер қабылданды. Дүйсенбі күннен бастап тиісті мекемелерге арнайы хат жолданатын болады.
«AMANAT» партиясы Түлкібас аудандық филиалы
КӨШПЕЛІ ҚОҒАМДЫҚ ҚАБЫЛДАУ ӨТКІЗІЛДІ
Comments